[A:330]rdo rje sems dpa' dang 'brel ba'i kun rig gi cho ga re ste tshar gnyis gnyis ma chad par bgyis pa dang / de'ang bla ma dang dkyila'akhor gyi gtso bo dbyer med du dmigs te bdag nyid 'jug cing dbang blang ba kho na bgyis pa yin la/ khyad par bdun tshigs re re rdzogs nyin dge tshogs byang chub tu bsngo ba'i phyir/ tshogs kyi rdo rje slob dpon du bla ma re re gdan zhus dang 'brel bar dge slong nyi shu res kun rig gi cho ga tshar gnyis re bgyis pa dang / de thams cad la'ang nyin re bzhin mchod pa shin tu rgyas pa dang / grwa pa re la nyin rer phyag 'gyed dngul zho re phul ba sogs bsnyen bkur zab pa dang / yang bdun tshigs re re'i mtshams su dge slong bzhi res rje btsun rdo rje rnal 'byor ma'i siddhu ra'i dkyil 'khor bzhengs te sgrub cing mchod pa dang / bdag nyid 'jug cing dbang blang ba sogs bgyis pa dang / yang e waM pa'i lam 'bras lha khang sogs dang / rje rang gi gzim chung khag bcas su re mos kyis nyin re bzhin brgya mchod re dang bcas te dge slong bcu skor res snga phyir bla ma mchod pa nyin nyi shu skor bgyis pa dang / de dag so sor grwa pa re la nyin rer yon 'bul dngul zho re dang bcas pa'i bsnyen bkur zab pa dang / thugs dam grol ba nas bzung rim gyis e waM bla brang gzhung du mkhan rin po che khri thog pa ngag dbang bsod nams rgyal mtshan gyi mdun du skyabs mgon rdo rje 'chang de nyid kyi dgongs pa chos dbyings su rdzogs pa'i ljags bsngo thugs smon zhu mtshon lha gos/ rdor dril/ gos chen gyi stod rtse spus legs/ chung ja 'khor drug gcig bcas phul ba dang / de bzhin du klu ldings zhabs drung rin po che byams pa tshul khrims phun tshogs pa dang / khang gsar zhabs drung rin po che ngag dbang blo gros snying po bcas so so'i mdun du'ang ljags bsngo zhu mtshon gyi 'bul ba gong mtshungs