[A:329]las kyi rdo rje'i bya ba thams cad bdag gis bgyis te/ mdor na bdun phrag gnyis kyi bar la/ dus tha'i cho ga dbang dang bcas pa'i zhabs tog bgyis pa dang / bdun gsum pa man chad la dus tha'i cho ga dang / dbang sogs kyi spros pa ci'ang ma byas par bla ma dang dkyil 'khor gyi gtso bo dbyer med du dmigs te/ bdag nyid 'jug cing dbang blang ba kho na bgyis pa yin la/ bdun phrag bdun pa'i dkyil 'khor gshegs gsol gyi nyin dpa' bo'i ston mo'am tshogs 'khor du grags pa dang / rdul tshon chu bor spyan 'dren pa dang / gtor 'bul la sogs pa cho ga mtha' rgyas kyi tshul du bgyis pa dang / de'ang bdun phrag gnyis la bdag cag gi dpal ldan bla ma dam pa nges pa don gyi rdo rje 'chang mkhan rin po che rnal 'byor 'jam dpal bzang po tshogs kyi rdo rje slob dpon chen por phebs shing / de 'phros thams cad la bdag gis rdo rje slob dpon gyi khul bgyis pa dang / de thams cad la'ang nyin re bzhin dge slong re la phyag 'gyed dngul zho re phul ba sogs bsnyen bkur zhabs tog zab par bgyis pa dang / gzhan yang thog mar thugs dam grol ba nas bzung / sku gdung rin po cher zhugs ma phul gyi bar du nyin re bzhin spos mar me zhal zas rnams re re nas brgya phrag gnyis gsum re ma chag par phul ba dang / de nas kyang dpal kye rdo rje'i dkyil 'khor la nyin re bzhin rnam gsum brgya mchod re ma chad par phul ba dang / yang zhi bar gshegs pa'i phyi nyin tshes bco brgyad nas bzung ste/ dgung zhag zhe dgu ma rdzogs kyi bar zhag lnga bcu nga gsum la nyin re bzhin dge slong bcus snga dro bdag bskyed bsnyen rgyas dang 'brel pa'i dpal kun tu rig pa'i ras bris kyi dkyil 'khor la brten pa'i cho ga dang / phyi dro bdag bskyed