[A:334]mtshor mang ja'i bsnyen bkur bcas bsgrubs pa dang / zhwa lu ri sbug mchog sprul rdo rje 'chang chen po'i spyan sngar ljags bsngo zhu mtshon dngul Tam srang lnga dang / ljon ja 'khor drug gcig bcas dang / zhwa lu ri mthil gyi slob dpon rnams su bsngo zhus dang / dgon par mang ja'i bsnyen bkur/ gzhan yang rgyal rtse dpal 'khor chos sde dang / de'i nang gses gur pa gra tshang pa/ nyang stong skyid sbug gi sgrub sde/ theg mchog gling / dga' ba gdong / snar thang / byang chen sgrub ste/ gangs can chos sde/ gnas chos sde/ khro phu/ gnas phur mo chos rdzong gi sgrub sde khag /lhun po rtse/ rab brtan chos lung gi sgrub ste/ byang chub gling gi sgrub sde stod smad/ 'dar chos 'khor yang rtse/ rgyang 'bum mo che/ lha rtse chos sde/ rtag brtan phun tshogs gling / ri khrod jo nang / snying ri'i sgrub sde khag /rta nag thub bstan/ bzhad thub bstan yangs pa can/ rta nag sgrol ma phug /shangs rgya tsho chos sde/ dben dgon ri khrod/ srad brgyud pa/ srad dgon khra/ srad mkhar chen gyi sgrub ste/ srad chos 'khor gling rnams kyi rten gsum rnams la mchod 'bul dang / bla ma mtshan snyan che ba phal che bar bsngo zhus dang / dgon pa rnams la mang ja'i bsnyen bkur ba bcas bsgrubs shing / de dag gi dus kyi tshe'ang / thog mar bdun phrag gnyis tsam gyi bar la nyin re bzhin me tog gi dbyibs lta bu yod pa'i gangs zim bu cung zad re babs pa dang / khyad par bdun tshigs re re rdzogs mtshams kyi dpal kye rdo rje'i dkyil 'khor gshegs gsol gyi nyin snga phyi thams cad du nyi gur phub cing kha dog lnga ldan gyi 'ja' shar ba dang / bdun tshigs gnyis pa'i kye rdo rje'i dkyil 'khor gshegs gsol tshar rjes bdag cag 'ga' zhig gis sku gdung rin po che'i mdun lam zab bla ma mchod pa'i sgo nas dbang bzhi blang ba sogs bgyis pa'i tshe'ang glo bur du kha dog lnga ldan gyi 'ja' sprin 'dra shar song zhes phyi rol na yod