[A:335]pa kun gyis zer zhing / gang ltar yang bdun tshigs gnyis pa rdzogs pa'i rjes su/ spyir khang steng la sogs pa'i sa dul ba rnams su sa chog ma byas kyang chog mod/ 'on kyang byas pa nyid phun sum tshogs pa'i yan lag tu 'gyur bar sems nas/ sa chog mdor bsdus tsam sngon du btang nas gdung khang brtsigs shing / de'ang bu ston gyis mdzad pa'i mi 'khrugs pa'i gshin po rjes 'dzin sogs nas bsreg khang brtsig tshul mi 'dra ba 'ga' re gsungs pa bzhin gang byas kyang rung mod/ 'on kyang thar paN gyi kye rdor dus tha'i cho gar myang 'das mchod rten gyi dbyibs su brtsigs par bshad pa bzhin/ gdung khang myang 'das mchod rten gyi dbyibs su brtsigs pa dang / sbyin sreg kyang kha cig gis 'jig rten pa'i gtam dpe la khungs su bcol nas sbyin sreg gcig kho na las mang po mi 'dod pa yod mod/ rang gzhan gyi grub mtha' mang po'i sngon gyi phyag len la/ 'byor pas lcogs na sbyin sreg gsum bzhi tsam yang bya ba'i srol byung 'dug pa ltar/ de ltar byas pa la 'gal ba ci'ang yod par mi sems te/ rang rang gis lha de dang der bsgoms nas bsreg rdzas 'bul ba yin pas blo gu dogs pa de 'dra mi dgos pa'i phyir ro/ /de'i phyir na kye rdor dang kun rig gnyis kyi sgo nas sbyin sreg 'bul bar brtsams shing / thab kyi thig tshon yang rgyud sde gong 'og gi babs dang bstun te 'og tu kun rig dang / de'i steng rgya lcogs lta bu'i steng du kye rdo rje'i sbyin sreg gi dkyil 'khor bris pa dang / sngar kye rdo rje'i sgo nas sku gdung rin po cher gnas yig gdags pa dang / rnam snang dges pa rdo rjer bskyed pa sogs grub zin pa yin na'ang / kun rig gi sngon 'gro'i rdo rje sems dpa' bskyed pa dang / gnas yig gdags pa sogs bgyis kyang mi 'gal bar sems nas hor zla gsum pa phyi ma'i tshes drug gi nyin/ kun rig gi rnal 'byor pa