[A:166]gyis je gsal du song nas/ mthar thug spang bya las grol zhing chos dang chos can gyi gnas lugs ji lta ba bzhin du rtogs pa'i so so rang gis rig pa'i ye shes zla ba'i dkyil 'khor nya gang ba lta bu rtogs pa la sangs rgyas su 'jog pa'i phyir ro/ /der ma zad da ltar gyi gnas skabs su'ang thos pa la ma brten par bsam pa mi 'byung zhing / de gnyis med par sgom pas nyams su len mi shes pa yin no/ /khyad par gsang sngags kyi dbang bskur ba rnams ni thob pa tsam gyis bskal pa dpag tu med pa nas bsags pa'i sdig sgrib mang po 'dag nus pas 'di la nan tan du bya dgos pa yin no zhes shes pa'i ched du rang nyid kyang de'i rjes su slob par bzhed nas/ thog mar bstan pa'i snang byed dam pa 'dam thog chos rje bla ma rin chen grags pa las/ jo bo nas brgyud pa'i man ngag phra mo rnams snar thang gi mkhan chen mchims nam mkha' grags kyis phyogs gcig tu bsgrigs pa'i mngon rtogs brgya rtsar grags pa las byung ba'i rjes gnang sum cu so bzhi dang / de'i yig cha zhu chen gyis mdzad pa'i lung / rnal 'byor gyi rgyud ngan song sbyong ba'i brtag pa las gsungs pa'i phyag rdor 'chi bdag 'joms pa lha bcu dgu'i dkyil 'khor du dbang bskur ba bcas dang / mkhas grub rgya mtsho'i gtsug rgyan mkhan chen ngag dbang dam chos las/ kye rdor man ngag lugs kyi dbang dang / gser chos 'jam dpal nag po'i rjes su gnang ba bcas dang / rgya chen chos kyi spyan ldan spang shar bla ma ngag dbang dpal bzang las/ grwa mngon lugs kyi dzaM dmar gyi las tshogs a rA gas mdzad pa dang / des mdzad pa'i mi 'gyur rdo rje'i gter ka nas byung ba'i dzaM lha nyer gcig gi g.yang skyabs la sogs pa'i lung bcas gsan/ rje 'di dgung lo bco brgyad du son pa'i lo mjug der/ khu bo mkhan chen mchog gis e waM bla brang gzhung gi mkhan