[A:173]gnyis nyin gangs ljongs bsod nams kyis ma zin par mkhan rin po che ngag dbang dam chos pa gang nyid glo bur du gzugs sku'i bkod pa chos kyi dbyings su bsdus/ de la brten nas e wa~M pa'i bla khag khang tshan dang bcas pa thams cad kyis dpon slob rin po che byams pa bsod nams dpal 'byor mkhan por mnga' gsol/ rje 'dis de skabs kun tu spyir thar rtse rang yang bla brang shin tu nyag phra ba'i 'o brgyal gang che la brten nas de'i thugs 'gan gyi khur yang lhur bzhes mdzad dgos pa yin mod/ 'on kyang gtso bor yang na phyag dpe'i gzigs rtog /yang na de dag gi don la bsam byung gi rig pas dpyad pa/ yang na thos bsam gyis sgro 'dogs chod pa'i don rnams sgom pas nyams su bzhes pa/ der ma zad bshad ma thag pa ltar gyi sku mtshams sogs bzhugs pa/ sku mtshams ma bzhugs kyang lam dus kyi dbang gi chu bo ma nub pas gtso byas pa'i dpal ldan sa skya pa'i chag med rnam pa bzhi dang / gong du yi dam lha'i ljags bsnyen song rigs kyi bdag bskyed bzlas pa dang bcas pa/ yi dam dang chos srung nor lha'i rigs mang po la gtor ma 'bul ba sogs mdor na chos brgyad kyis bran bzhin du bkol ba'i mtshams par ming btags pa phal mo ches 'gran du mi bzod pa'i thugs dam kho na la bzhugs pa sogs chos mthun gyi bya ba 'ba' zhig las dus skad cig kyang g.yel ba mi mnga'/ gzhan yang gdul bya so so'i bsam pa dang mthun par rje rang gis gang gsan pa'i chos thams cad kyang lan grangs mang po'i bar du stsal zhing / de dag kyang las sla dang rtsing spyod du ma song bar phyag len phro mo tshun chad kyang ma 'dres par mdzad do/ /de nas rje 'di dgung lo sum cu pa shing glang hor zla dgu pa'i nang khu bo mkhan chen dam pa'ang mdo khams