[A:172]zhus/ gtsug lag tu grwa mang la gnas brtan bcu drug gi rjes su gnang ba stsal te skal ba bzang po'i me tog rgyas par mdzad/ rje 'di sku mched nas kyang thar rtser gdan zhus thog zhag gcig bzhugs par zhus te dpon 'khor tshang mar bsnyen bkur gya nom pa dang / dngos 'bul gyi tshogs shin tu gtos che bar phul/ de skabs bdag chen 'jam pa'i dbyangs des so so'i mos pa'i yol go dang 'tshams par chos kyi bdud rtsi stsal ba thams cad rje 'dis gsan par mdzad de/ bya rgyud de bzhin gshegs pa'i rigs kyi gtso bo thub pa gnas brtan bcu drug gi rjes su gnang ba dang / ma gcig grub pa'i rgyal mos dpal 'khor lo sdom pa'i rgyud mngon brjod 'bum pa la brten nas bkral ba'i tshe dpag med lha gcig bum gcig gi byin rlabs dbang bzhi'i tshul du bskur ba/ grub chen thang stong pa nas brgyud pa'i tshe rta zung 'brel gyi dbang bskur ba/ gu ru chos dbang gis zab gter nas spyan drangs pa'i phyag rdor gtum po khyung lnga'i rjes su gnang ba/ mnga' bdag nyang nyi ma 'od zer gyis zab gter nas spyan drangs pa'i gu ru drag dmar gyi dbang yongs su rdzogs pa/ rig 'dzin rgod kyi ldem 'phru can gyis zab gter nas spyan drangs pa'i tshe sgrub 'chi med lcags kyi sdong po'i dbang bskur ba/ rgya zhang khrom rdo rje 'od 'bar gyi gter byon byad 'grol gser gyi lde mig tu grags pa rnams gsan/ bdag chen chos kyi rgyal po de e wa~M du zhag brgyad tsam bzhugs nas/ slar yang phebs skyel gyi tshogs dang bcas te dbus phyogs su chibs kyi gdong bsgyur/ dgung lo nyer dgu pa shing byi lor mkhan chen ngag dbang dam chos byang du 'gro don la khyug tsam phebs skabs/ rje 'dis mkhan tshab mdzad de sgrub mchod kyi dbu bzhugs sogs mdzad/ slar mkhan chen de nyid byang nas tshur phebs bstun lo de'i hor zla bcu gnyis pa'i tshes bcu