[A:182] bcud len/ mdze gso ba/ spyi 'gro'i las sbyor dang bcas pa dang / rjes gnang gi yi ge mkhas grub sangs rgyas phun tshogs pas mdzad pa rnams kyi lung / rdo rje gur las gsungs pa'i phyag na rdo rje 'byung po 'dul byed kyi rjes su gnang ba dang / de'i sgrub rjes dkon mchog lhun grub kyis mdzad pa/ brgyud 'debs dpal ldan don grub kyis mdzad pa kha skong dang bcas pa/ gur nas gsungs pa'i 'phags ma so sor 'brang ma'i rjes su gnang ba dang / de'i yig cha thar paN gyis mdzad pa'i lung dang bcas pa/ khyad par snyan brgyud gser chos kyi skor la/ rgya gar 'phags pa'i yul gyi mkhas dang grub pa yongs kyi gtsug gi nor bu'i cod paN la zhabs sen gyi padmo rnam par bkod pa grub chen birWa pa chen pos rgyal yum rdo rje bdag med ma las dngos su gsan pa'i gsung ngag rin po che lam 'bras bu dang bcas pa'i skor la tshogs bshad dang / slob bshad gnyis su grags pa'i dang po tshogs bshad tu grags pa'i skor la/ thog mar bla ma tshad mar bya ba'i phyir bla ma la gsol ba 'dabs pa e wa~M pa'i chos spyod dum bu gsum dang / dum bu dang po'i kha skong mkhan chen nam mkha' bsam 'grub la gsol ba 'debs pa nas/ rje rang gi gsol 'debs dmigs med byams ldan ma'i bar dang / mkhas grub sangs rgyas phun tshogs pas mdzad pa'i e waM pa'i gdan rabs rnam thar nor bu'i phreng ba bcas kyi lung / nyams myong tshad ma rgyud la skyed par byed pa'i khrid dngos la/ khrid kyi gzhung shing chen po bzhi'i nang tshan gzhung shing rgyas pa gzhung ji ltar ba bzhin du bkri ba'i khrid yig ngag dbang brtan pa'i rdo rjes mdzad pa'i gzhan phan phrin las rgyas byed kyi steng nas/ lam gyi sngon 'gro snang ba gsum gyi khrid sngon du 'gro ba'i sgo nas brgyud