[A:183]pa'i khyad par gnyis ldan gyi sems bskyed pa dang / de las byung ba'i dam tshig rnams la srung sdom shes pa'i ched du byang chub sems dpa'i sdom pa nyi shu pa'i 'grel pa rje btsun rin po ches mdzad pa'i lung / de nas slob ma rjes 'dzin sogs dbang gi mngon par rtogs pa brgyad dang ldan pa'i sgo nas dpal kye rdo rje man ngag lugs kyi dkyil 'khor du dbang bskur ba dang / de las byung ba'i dam tshig dang sdom pa rnams mi nyams par bsrung ba'i tshul gsal bar ston pa rtsa ltung 'khrul spong rje btsun rin po che grags pa'i zhabs kyis mdzad pa'i lung / de ltar smin zin grol ba'i slad du lta bas spros pa gcad pa'i phyir kun gzhi rgyu rgyud la 'khor 'das dbyer med kyi lta ba bsgom pa/ lam gyi nyams bskyed pa'i phyir lus thabs rgyud la dbang bzhi dang rjes su 'brel ba'i lam bsgom pa/ 'bras bu sku lnga mngon du 'gyur ba'i tshul dang / nges shes bskyed cing ting nge 'dzin ngo shes pa'i phyir lam gyi sa mtshams gzhag pa/ 'bras bu mthar thug sangs rgyas kyi sa bshad pa/ de ltar nyams su len pa'i slob ma la gsang ba bcu'i rgyas gdab cing skal ldan gyi slob ma la phan par gdams pa'i bar gyis nyams khrid zab mo yongs su rdzogs pa dang / de dag gi skabs su bum dbang gi lam gyi nang tshan nang bskyed rim gyi thog mar slob dpon gyi zab mo lus kyi dkyil 'khor du dbang bskur ba/ gzhan yang sbyor ba don yod pa bzhis bla ma mnyes par byed pa'i khrid sngon du 'gro ba'i lam zab phyi ma'i byin rlabs dang / de'i yig cha thar paN gyis mdzad pa/ lam zab phyi ma'i ngag 'don dkon mchog lhun grub kyis mdzad pa/ brgyud 'debs ngor chen gyis mdzad pa kha skong dang bcas pa'i lung /