[A:184] rnal 'byor dbang phyug gi srung ba thun mong ba'am bir srung phyi ma'i byin rlabs sgom lung dang bcas pa dang / de'i yig cha thar paN gyis mdzad pa'i lung / lam 'bras su mi gtogs kyang sa skya pa'i thug dam chag med bzhi'i nang tshan nA ro mkha' spyod kyi byin rlabs dang / de'i sgrub thabs dkon mchog lhun grub kyis mdzad pa/ bstod pa dang brgyud 'debs ngor chen rdo rje 'chang gis mdzad pa/ bdag 'jug dang byin rlabs bya tshul thar paN gyis mdzad pa bcas kyi lung / rgyab rten lung dang bstan bcos tshad ma'i skor la ngag dbang brtan rdor gyis mdzad pa'i lam 'bras kyi khrid yig /kye rdor man ngag lugs kyi mngon rtog /lus dkyil/ dbang chu/ gtor chog /rdul tshon chu bor spyan 'dren pa'i cho ga /zhi rgyas kyi sbyin sreg rnams rje dkon mchog lhun grub kyis mdzad pa/ las phyi ma gsum gyi sbyin sreg gi lhan thabs thar paN gyis mdzad pa/ slob dpon padma badzra gyis mdzad pa'i bstod pa nyi shu pa/ sdeb sbyor daNDa ka'i bstod pa dang dkyil 'khor gyi bkra shis bcas rje btsun rin po ches mdzad pa/ mdzad pa bcu gnyis kyi bkra shis rgyud nas phyung ba/ tshogs 'khor gsang ba kun rgyan ngor chen gyis mdzad pa/ dus tha ma'i cho ga thar paN dang sangs rgyas phun tshogs kyis mdzad pa/ rab gnas dpal 'byor rgya mtsho dkon mchog dpal ldan pas mdzad pa/ 'thor nas bsgrub tshul thar paN gyis mdzad pa rnams kyi lung dang bcas pa legs par gsan to/ /ngor lugs thun mong ma yin pa gsung ngag slob bshad kyi skor la rje btsun rin po ches mdzad pa'i bla ma brgyud pa'i gsol 'debs bla ma rdor 'dzin ma dang / tshar chen gyis mdzad pa'i brgyud 'debs dngos grub rin po che'i char 'bebs kha skong dang bcas pa'i lung bcas sngon du 'gro ba'i sgo nas/ nyams myong tshad ma rgyud la skyed