[A:192]gtam dang bsngo ba/ de la dgos pa'i tshigs bcad sangs phun pas bsgrigs pa/ bar do ngo sprod shar khang pas mdzad pa/ 'od dpag med la brten pa'i 'pho ba dkon mchog dpal ldan pas mdzad pa/ bum gter gyi lag len dkon mchog lhun grub pas mdzad pa/ de'i zur 'debs sangs phun pas mdzad pa/ 'jam mgon kun dga' blo gros kyis mdzad pa'i dam tshig rdo rje'i sgom bzlas dang / bka' bsgo bya tshul thun mong dang thun mong ma yin pa/ brgya bzhi'i cho ga rnams dang / slob dpon padmas mdzad par grags pa'i gser skyems dang / bdag chen rgya gar bas mdzad pa'i bsang gzhung sogs bsang yig gi skor dang bcas pa'i lung rnams gsan cing / de thams cad kyi phyag len phra mo tshun chad kyang shin tu mthar phyin par thugs su chud par mdzad pa yin no/ /gzhan yang phyis su mdo khams smad phyogs su 'gro don la phebs pa'i tshe'ang der bzhugs pa'i yongs kyi dge ba'i bshes gnyen che rags 'ga' zhig bsten cing chos kyi bdud rtsi bzhes par mdzad la/ der ma zad mang du thos pa la ngoms pa med pa'i bdag nyid chen po 'di phyis sku na mthon por phebs pa'i tshe'ang / 'gran zla dang bral ba'i mkhas pa 'ga' zhig las chos kyi bdud rtsi bzhes par mdzad de/ de dag kyang sde tshan gcig pa'i phyir 'dir phyogs gcig tu brjod na/ de'ang bdag gi dpal ldan bla ma dam pa 'dis dpal e wa~M chos ldan gyi chos kyi rgyal srid skyong zhing mkhan po mdzad pa'i skabs/ sde dge chos rgyal chen po bod du phebs pa'i tshe/ de'i dbu'i mchod gnas pa chen po mkhas grub ngag dbang chos 'byor gyi drung nas/ gur mgon lha brgyad thun mong ma yin pa'i rjes su gnang ba dang / dpal mgon zhal bsnyen dus dang / sgrub dus thun mong dang / thun