[A:193]mong ma yin pa/ dkar po tshe 'phel/ ser po rgyas byed/ dmar po dbang sdud/ nag po dgra bgegs sgrol ba rnams kyi rjes su gnang ba rnams legs par gsan par mdzad do/ /rnam 'dren dam pa 'ba' dpon po kun dga' ye shes kyi drung nas/ bya rgyud gshegs rigs kyi yum du gtogs pa srung ba lha lnga bcu rtsa gcig gi dkyil 'khor du dbang bskur ba legs par gsan cing / de nas bod chen po'i ljongs kyi 'gro don la rje 'di lan gnyis phebs pa'i dang po'i skabs/ mdo smad bstan 'gro'i dpung gnyen dam pa mi nyag ri khud mchog sprul rin po che kun dga' mkhas grub dbang po mdo khams sde dge'i rgyal khab tu phebs pa'i tshe/ rje de'i drung nas theg pa chen po pha rol tu phyin pa'i blo sbyong don bdun ma'i nyams khrid zab mo shin tu zhib pa dang / de'i yig cha sems dpa' chen po gzhon nu rgyal mchog gis mdzad pa'i blo sbyong legs bshad kun 'dus kyi lung / bya rgyud de bzhin gshegs pa'i rigs kyi gtso bo thub pa gnas brtan bcu drug gi rjes su gnang ba dang / rgya gar dam pa sangs rgyas nas brgyud pa'i 'jam dpal smra ba'i seng ge'i rjes su gnang ba dang / de bzhin gshegs pa'i rigs kyi gtsug tor 'phags pa kun nas sgor 'jug pa gtsug tor dri med lha lnga'i dkyil 'khor du rig gtad zab mo dang / de'i dkyil chog rin chen bsod nams mchog grub kyis mdzad pa/ gtsug tor dri med kyi gzungs bklag pa dang / mchod rten bzhengs pa'i cho ga'i lag len khrigs chags sgra tshad pa rin chen rnam rgyal gyis mdzad pa/ mchod rten bzhengs tshul 'jam dbyangs mkhyen brtse'i dbang phyug gis mdzad pa rnams kyi lung dang bcas pa/ gtsug tor gdugs dkar lha nyer bdun ma'i dkyil 'khor du dbang bskur ba dang / bya rgyud padma'i rigs kyi