[A:194]bdag po 'phags pa bcu gcig zhal dpal mo lugs kyi smyung gnas kyi cho ga rmor chen gyis mdzad pa'i lung / padma'i rigs kyi yum sgrol dkar yid bzhin 'khor lo'i rjes gnang ngor lugs thun mong ba dang / thun mong ma yin pa 'od zer drug sbrag gi rjes gnang sngon du 'gro ba'i sgo nas nyams khrid zab mo shin tu rgyas pa dang / spyod rgyud de bzhin gshegs pa'i rigs kyi bdag po 'jam dpal a ra pa tsa na lha lnga'i dkyil 'khor du dbang bskur ba dang / rnal 'byor bla na med pa'i pha rgyud gsang ba 'dus pa 'jam pa'i rdo rje lha bcu dgu'i dkyil 'khor du dbang bskur ba dang / gsang ba 'dus pa spyan ras gzigs lha bcu dgu'i dkyil 'khor du dbang bskur ba dang / grub chen birWa pas legs par bkral ba'i 'jam dpal gshin rje'i gshed dmar po lha lnga'i dkyil 'khor du dbang bskur ba sngon du 'gro ba'i sgo nas 'jam dbyangs mkhyen brtse'i dbang phyug gis mdzad pa'i khrid yig sogs kyi steng nas gshed dmar spros med kyi nyams khrid dang / dpal rdo rje 'jigs byed rwa lugs thun mong ma yin pa lha bcu gsum ma'i dkyil 'khor du dbang bskur ba dang / de'i sgrub dkyil 'jam mgon kun dga' blo gros kyis mdzad pa'i lung / 'phags yul gyi grub chen brgyad cu rtsa bzhi'i byin rlabs dbang bzhi'i tshul du bskur ba dang / de'i byin rlabs bla ma'i rnal 'byor a mes zhabs kyis mdzad pa/ grub chen brgyad cu'i rnam thar a bha ya shrIs mdzad pa pa tshab lo tsA ba'i 'gyur/ bla ma rdo rje gdan pas mdzad pa'i bstod pa/ grub chen so so'i rtogs brjod rdo rje'i glu/ rnal 'byor ma nyi ma'i 'od zer gyis mdzad pa'i grub chen brgyad cu byon tshul rnams kyi lung / rdo rje bdag med ma lha mo bco lnga'i byin gyis brlabs pa dang / mang thos klu sgrub rgya mtshos mdzad pa'i kye rdor rgyud gsum dang / slob