[A:151]'debs/ /thog ma nyid nas nges par 'byung ba dang / /rig dang brtse ba'i me tog mdzes 'bar bas/ /phyogs bral dpyod ldan 'dus pa'i tshogs rnams kyi/ /brtan pa gcig car 'phrog la gsol ba 'debs/ /zhes gsungs pa ltar bdag cag gi dpal ldan bla ma dam pa nges pa don gyi rdo rje 'chang chen po 'di ni bskal pa dpag tu med pa'i sngon rol nas mngon par rdzogs par sangs rgyas su zin na'ang sngon gyi smon lam dang snying rje'i dbang gis 'khor ba ji srid gnas pa de srid du sprul pa sna tshogs pa'i sgo nas sems can gyi don rgyun mi 'chad par mdzad pa las/ re zhig kha ba can gyi gdul bya rnams la thugs lhag par brtse bas so so skye bo'i rdo rje slob dpon gyi rnam rol tu ston par bzhed de/ de la 'di'i 'khrungs pa'i yul ni/ snyigs dus kyi rdo rje 'chang gnyis pa ngor chen kun dga' bzang pos phyag btab pa'i gnas mchog /yon tan rin po che du ma'i 'byung gnas dpal e wa~M chos ldan dang nye ba'i sa'i cha/ rin po che marga ta'i kha dog 'dzin pa'i ljon shing gi ra bas mdzes par spud pa'i khrod na bya dang bung ba mang pos snyan pa'i ngag gi gling bu sgyur ba/ gtsang zhing bsil ba'i chu rgyun du ma phyogs tha dad du babs pa las lhung lhung gi sgra snyan par sgrogs pa sogs mdor na sngon bsags legs byas kyi mthu phun sum tshogs pa'i bdag po'i 'bras bu yongs su smin pa'i gnas/ bkra shis shing dge mtshan du mas legs par gtams pa'i rtse na rgya mtsho gling zhes par/ rje 'di'i yab ni mkhan chen thams cad mkhyen pa byams pa nam mkha' 'chi med dang yab yum gcig pa'i sku mched padma don grub ces bya ba/ rigs gzugs phun sum tshogs shing stobs dang dpa' rtsal gyi phul du son pa/ 'jig rten lugs kyi bstan bcos mtha' dag la mkhas pa de dang / yum ni gnas grongs la sgang zhes pa sger ba rta rkyang zhig gi rigs las