[A:205]la brten nas rang gzhan gyi don sgrub pa/ bar chad gzhom pa/ sde brgyad gzir ba/ lingga dang 'khor lo la brten pa'i las sbyor/ rtsa sngags/ sde brgyad dbang du bsdu ba'i sham bu'i sngags dang bcas yod pa'i gter gzhung 'khrul med/ dbang bskur ba'i cho ga gter byon/ gtor bsngo/ bstod pa/ rta mgrin gyi zhal gdams zab mo la nang gses su/ rgyal po ting nge 'dzin dang sngags kyis gcun pa/ 'khor lo dang smyag shad kyi dbyug pa la brten nas rgyal po 'dul zhing gnon pa/ srung 'khor/ srung mdud/ skyer sgang pas chos skor 'di rnams o rgyan chen po la zhus tshul/ tshar chen gyis mdzad pa'i mngon rtogs nyung ngu / byin rlabs kyi cho ga rgyas pa bar chad kun sel dang bcas pa'i lung dang / ngor chen thams cad mkhyen pa dkon mchog lhun grub kyi gsung rab pusta ka bzhi'i lung / zhu chen tshul khrims rin chen gyis mdzad pa'i thang stong lugs kyi tshe rta zung 'brel gyi dbang chog tshe srog rdo rjer sgrub pa'i bcud len/ de'i rgyun khyer ring 'tsho'i tshe'i zil dngar/ de'i tshe sgrub kyi dmigs bsal som nyi'i mdud bu 'grol byed/ sgrol dkar bsnyen thabs zla 'od gsar pa/ byang gter lugs kyi tshe dpag med lcags sdong ma'i sgrub thabs dbang chog dang bcas pa bkra shis 'khyil ba'i sgra dbyangs bcas kyi lung dang / dpal ldan shangs pa bka' brgyud nas brgyud pa'i mgon dkar yid bzhin nor bu'i gdams skor gyi yi ge rnams mkhas grub sangs rgyas phun tshogs pas phyogs gcig tu bsgrig par mdzad pa'i dpe bum gyi lung rnams legs par gsan zhing dpyis phyin par thugs su chud par mdzad do/ /gzhan yang bdag nyid chen po 'di phyis sku na mthon por son pa'i tshe/ 'gran zla dang bral ba'i mkhas grub chen po rtsod dus kyi kun mkhyen bu ston gnyis pa rdo rje 'chang rin chen blo gsal bstan