[A:206]skyong dpal bzang po'i drung nas/ dpal phyag na rdo rje gos sngon can gyi rjes gnang sngon du 'gro ba'i sgo nas bya rgyud nor can gyi rigs su gtogs pa'i rgyal po chen po rnam thos sras bka' mi 'dra ba bcu drug gi rjes su gnang ba dang / rnam sras snyan grags sgrub pa'i rjes gnang dang bcas pa bya rgyud gshegs rigs kyi bdag po 'phags pa 'od zer dri ma med pa thub dbang lha bdun ma'i rdul tshon gyi dkyil 'khor du dbang bskur ba rnams gsan no/ /yang zhwa ser gyi cod pan 'dzin pa rnams kyi khrod na rgyu skar gyi dbus na zla ba'i dkyil 'khor ltar gyur pa'i gnas lnga rig pa'i mkhas pa chen po a mdo brag dgon zhabs drung rin po che dkon mchog bstan pa rab rgyas kyi drung nas/ theg pa chen po'i gso sbyong gi sdom pa dang / sems dpa' chen po gzhon nu rgyal mchog dang mus chen dkon mchog rgyal mtshan gyis blo sbyong skor gyi rgya gzhung dang bod gzhung gces pa rnams phyogs gcig tu bsgrigs pa'i blo sbyong pod kyi lung dang / dge ba'i bshes gnyen bka' gdams pa rnams kyi thugs dam lha bzhir grags pa'i rjes su gnang ba rnams dang / bya rgyud padma'i rigs kyi pho nya mo dbyangs can ma dkar mo sa manta shrI nas brgyud pa'i rjes su gnang ba dang / de'i rjes gnang dang sgrub thabs las sbyor dang bcas pa tshigs bcad ma thugs sras lo tsA ba rin chen rnam rgyal gyis mdzad pa'i lung / rnal 'byor bla na med pa'i pha rgyud mi bskyod pa'i rigs kyi khro bo phyag na rdo rje 'khor chen lha bco brgyad kyi ras bris kyi dkyil 'khor du dbang bskur ba dang / de'i sgrub dkyil 'dul 'dzin grags pa rgyal mtshan gyis mdzad pa'i lung dang bcas pa/ dpal phyag na rdo rje uu tsarYa'i rjes su gnang ba dang / pha rgyud rnam snang gi rigs su gtogs pa grub chen dpal 'dzin lugs kyi gshed dmar lha bcu gsum ma'i ras bris kyi dkyil 'khor du dbang bskur ba dang / de'i sgrub dkyil bu ston gyis mdzad