[A:224]pa'i mod/ /'dod rgu'i grib bsil ci yang byin// //gnyis pa mdo khams su mi bdag sa'i tshangs pa chen pos spyan drangs te bstan pa dang sems can gyi don ji ltar mdzad pa'i tshul ni/ nges pa don gyi thams cad mkhyen pa 'jam pa'i dbyangs mkhyen rtse'i dbang po'i zhal snga nas/ slar yang bod chen ljongs kyi 'khor los sgyur/ /sde bzhi dge bcu'i nor bu'i cod pan rtser/ /zhabs sen bkra shis re khA bkod mdzad nas/ /bstan 'gro'i phan bde spel la gsol ba 'debs/ /khyad par rnal 'byor dbang phyug sa skya pa'i/ /snyan brgyud tshad ma bzhi ldan gdams pas mtshon/ /zab rgyas dam pa'i chos kyis rigs can gsum/ /rnam grol go 'phang bkod la gsol ba 'debs/ /zhes gsungs pa'i don zhib tu bshad pa la gsum ste/ thog mar mdo khams su byon nas bstan 'gro'i don ji ltar mdzad pa'i tshul/ bar du tshogs gnyis rgya cher spel ba'i slad du dbus gtsang dag pa'i zhing du bsnyen bkur ji ltar bstabs pa'i tshul/ slar yang mdo khams su byon nas bstan 'gro'i don ji ltar mdzad pa'i tshul lo/ /de'i dang po ni 'di ltar rjes su thos te/ mdo khams sde dge'i rgyal khab nas lung dang rig par smra ba kun gyi gtsug rgyan gcung zhabs drung rin po che rnal 'byor 'jam dpal bzang po'ang khu bo mkhan chen rdo rje 'chang de nyid kyi dgongs rdzogs rgya cher bsgrub pa'i slad du/ chos rgyal chen por dgongs khrol nan zhus mdzad nas rim gyis chibs bteg te/ lcags 'brug hor zla bcu pa'i tshes brgyad kyi nyin e wa~M chos ldan du phebs/ de'i zhabs 'bring dang lhan cig rje 'di gdan 'dren zhu bar sde dge'i sku tshab ni sa mda' bu 'khor bcas kyang 'byor/ rje 'di la chos rgyal mchog gi zhu yig rnams 'bul ba dang chabs cig mdo khams kyi