[A:223]gnas tshul rnams kyang gsan ma thag pa nas dkon mchog la mchod pa dang dge 'dun la bsnyen bkur sogs rgyas par mdzad pa dang / gzhan yang rang zhabs kyi mi ser phran yod rnams la'ang 'tsho skyong dang mgo 'don la sogs pa shin tu mthar phyin par mdzad pa sogs mdor na rje 'di ni bstan pa dang sems can gyi don kho na dgongs pa las/ dgos med kyi bya ba dang rang 'dod kyi 'khri ba la sogs pa gtan nas mi mnga' ba dang / gcung mdzod pa nor ldan shes rab bzang po pa'ang bsod nams che zhing bstan pa la lhag bsam dkar ba dang / bya ba dang bya ba ma yin pa so sor phye ba'i mkhyen rab kyi rtsal che zhing / las zhi drag gang la'ang nus pa phul du son pa zhig yin pa sogs kyis chos dang 'jig rten gnyis ka'i thad nas de dus lta bu zhes kun gyis bsngags pa'i gnas su gyur pa yin no/ /dpag bsam shing dang bdud rtsi yis/ /kun dga' gsar pa sbyin pa gang / /skyengs byed chos kyi zla snang gis/ /'khor ba'i tsha gdung mtha' dag bsal/ /khyad par dus gsum rgyal rnams kyi/ /phrin las gcig tu bsdus pa bzhin/ /bi rU'i bzhed gzhung gsung ngag gis/ /'gro mang grub pa'i dpal la sbyar/ /e ma chos dang srid gnyis ka'i/ /'byor pa phun sum tshogs pa'i chus/ /ljongs 'di'i gdung ba kun bkrus te/ /phan bde'i mtshar sdug rdzogs par byas/ /rten rnams sngags kyi cho ga yis/ /dam ye gcig tu bsres pa las/ /nyi ma'i 'od kyang zil gnon pa'i/ /byin rlabs gzi byin 'bar bar gyur/ /rgyal sras kun tu bzang po yi/ /rnam par thar la co 'dri ba'i/ /mchod dang bsnyen bkur la sogs pa'i/ /bsod nams sgo 'phar ci yang phyes/ /de lta'i dge mtshan gdugs dkar po/ /mi mthun phyogs las rnam rgyal ba/ /srid zhi'i khongs su bsgrengs