[A:236]ba'i chos kyi 'khor lo bskor te 'gro ba chos la ma dad pa rnams dad par byas/ dad pa rnams kyang 'ga' zhig ni nyan rang gi rigs can du gyur pa la nges par 'byung ba'i gtam gyis bden bzhi'i 'jug ldog la bkod pa dang / phal cher ni byang chub sems dpa'i rigs can du gyur pa la byams pa dang snying rje'i gtam gyis theg pa chen po'i lam la bkod pa dang / skal ba dang ldan pa kha cig ni smin pa dang grol ba'i thabs la mkhas pas gsang sngags rdo rje theg pa'i lam la bkod cing / de thams cad kyang mthar thug bla na med pa'i byang chub thob pa'i skal ba dang ldan pa sha stag tu mdzad de/ mdor na thub pa'i bstan pa rin po che phyogs thams cad du dar zhing rgyas par mdzad do/ /gzhan yang sde dge lhun grub steng gi nye skor gyi khyim bdag dad pa can 'ga' zhig gis gdan drangs pa'i ngor lan kha shas byon pa ma gtogs lhun grub steng gi bla brang phan bde kun khyab gling rang du 'khor lo gsum gyi phrin las rlabs po che dang bcas te bzhugs shing / sgo stod du phebs skabs ma gtogs lo re bzhin drug 'du'i dbu bzhugs kyang rtag par mdzad/ rgyun du mi bdag sa'i tshangs pa chen por 'char can gyi dbang khrus rnams dang / skabs su bab pa'i sku rim gsar 'phar gyi rigs rnams bsgrub pa dang / yul phyogs so sor bde skyid rgya cher 'byung ba'i slad du lha bum dang / klu bum dang / sa bdag gi bum pa la sogs pa tshad ldan du bsgrubs te sba ba dang / gzhan yang char 'bebs pa la sogs pa zhi rgyas dbang drag dang rjes su 'brel ba'i mdzad phrin rnams ni re re nas smos kyis mi lang / phrin las kyi gtso bo chos 'chad pa'ang chos rgyal mchog gi thugs bzhed ltar/ rje rang gis gsan pa'i chos phal che ba dang / khyad par mkhas grub phal cher gyi rna ba'i bcud du ma son ba'i gsung ngag rin po che lam 'bras