[A:237]slob bshad du grags pa'i smin byed kyi dbang dang / grol byed kyi khrid dang / rgyab rten gyi lung dang byin rlabs la sogs pa shin tu tshang ba tshar gcig bcas stsal ba dang / me khyi tha skar zla ba'i tshes nyer lnga'i nyin chos rgyal chen po tshe dbang rdo rje rig 'dzin pas thugs kyi kun slong nges 'byung gi bsam pa zla ba tshes pa lta bus khyim pa'i rtags dang cha lugs thams cad spangs shing / rab tu byung ba'i rtags dang cha lugs yang dag par len pa dang / mtshan yang byams pa kun dga' sangs rgyas bstan pa'i rgyal mtshan dpal bzang po zhes btags shing / tshigs snga ma dge tshul gyi sdom pa dang / tshigs phyi ma bsnyen par rdzogs pa'i sdom pa rnams rim gyis nod par mdzad do/ /spyir lam 'bras tshogs bshad cig kyang stsal dgos tshul bka' phebs par/ sa ngor gyi grwa sa rnams su ni bar chad che rigs med kyang / khams phyogs 'dir lam du song min sna tshogs zhig byung bar snang mod/ 'on kyang bka' nan che ba ltar gsung ngag rin po che tshogs bshad kyi chos 'khor bskor ba'i dbu 'dzugs par mdzad na'ang / brgyud pa'i khyad par gnyis ldan gyi sems bskyed grub mtshams nas dgon der 'brum bu'i nad cig byung bar brten rim gyis 'phro lus par gyur pas slar 'chad par ma mdzad pa las/ gzhan gdul bya so so'i bsam pa dang mthun par so sor thar pa'i sdom pa dang / byang chub sems dpa'i sems bskyed pa dang / gsang sngags rdo rje theg pa'i smin byed kyi dbang bskur ba dang / grol byed kyi khrid 'bogs pa dang / byin gyis brlab pa dang / rjes su gnang ba dang / rgyab rten gyi lung la sogs pa mdor na rje rang gi gang gsan pa'i chos rnams re re nas lan grangs mang du stsal ba dang / sa skyong chen po'i dgongs bzhed ltar/