[A:242] rten khebs la sogs pa mang du bzhengs par mdzad de/ de'ang rten khebs lta bur mtshon na/ gzhan la sbyor 'jags stsal ba dang / rang nyid kyi phyag tu bzhugs pa sogs snga phyir bzos tshad brtsis na bzang gos las grub pa'i rten khebs kho na'ang brgya dang nyi shu skor zin pa dang / dkon mchog gi mchod pa dang dge 'dun gyi bsnyer bkur yang / sde dge lhun grub steng du sngon mkhan chen dpal ldan chos skyong gi sku dus nas srol dod pa lta bu'i lo re bzhin gyi hor zla bcu gnyis pa'i tshes gnam gang nyin/ drug 'du'i dbu bzhugs su yin gyis 'dus tshogs spyir tshe chog dang / mgon khang khag rnams su skong ba dang / chos sgrogs pa mang pos gsung rab bklag pa dang / der 'dus pa'i gsang sngags rnying ma'i bla ma dge slong sngags pa bcas la'ang phyag 'gyed dang rnam gzhag sogs gtong ba'i rgyun mchis pa rnams kyang ma chag par yar ldan du mdzad pa dang / der ma zad bla brang phan bde kun khyab gling rang du'ang lo re bzhin cho 'phrul zla ba'i tshes gcig nas bco lnga'i bar la rje rang gi grwa tshang gang yod kyi steng lhun grub steng gi dge slong bzhi lnga re bsnan te bla ma mchod pa dang / gnas bcu'i cho ga dang / maNDal bzhi chog sogs gsung ba dang chabs cig nyin re bzhin spos/ mar me/ zhal zas rnams brgya rtsa re nges par ma chag par mdzad pa dang / gzhan yang zla ba byung ngo cog gi nya stong tshes brgyad phal che bar bla ma mchod pa'am bstan pa gso chog lta bu'i cho ga gang rung re dang 'brel bar brgya mchod re chag med lta bur mdzad pa dang / skabs skabs su rgyal ba'i bka' 'gyur ro cog sgrogs pa sogs bsod nams kyi tshogs 'du bgyis pa'i gtong phod chen po'i sgo 'phar rtag tu dbye bzhin pa dang / khyad par dgung lo nga drug pa lcags mo yos kyi lo'i hor zla lnga pa'i nang / shi gson gyi dad rdzas mtha' dag chud mi 'dza' zhing dge tshogs