[A:245]byon/ de nas mchod yon lhan rgyas te chibs kyi kha lo bsgyur/ rje drung dpon 'khor rnams kyang dbus gtsang dag pa'i zhing du bsnyen bkur legs par bgyis zin nas mar byon pa dang rtsi ge sar 'ben de'u'i mar thang zhig tu mjal/ de nas rje drung dpon 'khor rnams mdo khams su byon/ rje 'dis skabs su bab pa'i chos rgyal mchog gi thugs bzhed rnams kyang sgrub bzhin pa'i sgo nas hor zla brgyad pa'i tshes gcig nyin bkra shis dbu ma thang du phebs/ de nas chos rgyal chen po lha ldan phyogs su sngon du phebs/ rje 'di zhag gnyis gsum gyi rjes nas chibs bteg ste byang rwa sgreng gi chos grwa chen por phebs/ rA sgreng khri chen rin po cher maNDal sku gsung thugs rten/ dar/ ras/ ling / spu shun gyi rigs mang po dang / ljon 'dab 'khor drug bcu/ rta drel gnyis bcas phul ba dang / rwa sgreng tA bla mar yang ja gsar gong 'os phul ba dang / khyad par dgon de'i rten gsum yongs la mchod 'bul dang / snyan dar gang zab/ 'dus tshogs spyir mang ja'i bsnyen bkur rnams zab par zhus te dpal stag lung gi chos grwa chen por phebs/ stag lung bla ma rin po cher 'bul ba/ rten gsum yongs la mchod 'bul/ 'dus tshogs su mang ja'i bsnyen bkur rnams mdzad nas dar lung gnyan gyi pho brang dang / rdo rje'i gnas chen brag yer pa rnams su'ang gnas mjal dang mchod 'bul legs par mdzad de/ chos dang srid kyi 'byor pa phun sum tshogs pa'i chu rgyun mtha' dag gcig tu 'khyil ba'i gnas/ yul dbus 'gyur 'chang gi lte ba lha ldan du khrums zla'i tshes bco lnga'i nyin phebs/ thog mar 'phags pa lag na padmo'i rnam par 'phrul pa rgyal dbang thams cad mkhyen pa tshul khrims rgya mtsho'i gser zhal rin po che