[A:244]bsnyen bkur rgya chen pos bsod nams kyi tshogs 'du bgyi ba'i slad du 'byon rgyu'i skabs/ de'i 'gal rkyen sel zhing mthun rkyen gong 'phel du 'gyur ba'i slad du rje 'di la chibs bskyod bskyang dgos tshul bka' phebs par/ snga lo phyag rdzas ji yod bskur te rje drung dpon 'khor rnams dbus gtsang du btang zin pa da lta phyir ma 'khor ba'i skabs 'dir phebs chas sogs gang ci nas 'grig dka' bar brten/ nan tan gyis dgongs khrol zhu bar mdzad na'ang dgongs pa khrol pa zhig gtan nas ma byung bas phebs rgyu mdzad de/ phebs chas sogs nyer bsdogs mdzad pa dang / don du gnyer ba so so'i chos kyi 'phro rnams kyang rdzogs par mdzad pa dang / khyim bdag dad pa can dag gis kyang rang rang gi khyim du gdan drangs te 'dod chos re tsam zhu ba sogs kyi re ba rnams kyang rdzogs par mdzad cing / de skabs su phyag sna cung mdzangs pa'i skabs lta bur gyur mod/ 'on kyang skyes bu blo stobs dang ldan pa rnams kyi thabs kyis bsgrubs na rnyed par dka' ba ma yin pa la/ de bas nor rdzas snying po med pa rnams snying po dang ldan pa'i bsod nams kyi phung por bsgyur nus pa ni 'jig rten na shin tu dkon zhing ngo mtshar che ba yin no snyam du dgongs te/ nor rdzas sgyu ma lta bu las snying po len pa'i phyir du 'byor pa dang ldan pa 'ga' zhig las ja dngul cung zad kyang g.yar te/ chos rgyal chen po hor zla bzhi pa'i gza' skar legs 'dzom gyi nyin dpal ldan lhun grub steng gi rgyal khab nas chibs bteg /rje 'di hor zla lnga pa'i tshes lnga'i nyin chibs bteg ste/ yar lam zul phu stod smad/ mkhar mdo/ khra bo thang / gdong tshang dgon rnams su dad pa can so sos ji ltar gsol ba btab pa bzhin rang rang gi khyim du byon pa dang / chos kyi bdud rtsi'ang ci rigs par stsal te rim gyis rdo ra dmar kor