[A:༣༦༨]ལུགས་སུ་གྲགས་པའི་རྗེས་སུ་གནང་བ་དང༌། དེའི་སྒྲུབ་ཐབས་ཟླ་བ་རྒྱལ་མཚན་གྱིས་མཛད་པ། ནད་གསོ་བ། སྟེང་གདོན་གཟིར་བ། ལུས་སྲུང་བ། སེར་བ་སྲུང་བ། ཕྱིར་ཟློག་པ། རྗེས་གནང་གི་ཡི་གེ་རྙིང་པ། ཐར་པཎ་གྱིས་མཛད་པའི་སྒྲུབ་རྗེས་རྣམས་ཀྱི་ལུང༌། པདྨའི་རིགས་ཀྱི་ཕོ་ཉ་མོ་དབྱངས་ཅན་མ་དཀར་མོའི་རྗེས་སུ་གནང་བ་དང༌། དེའི་སྒྲུབ་རྗེས་ཐར་པཎ་གྱིས་མཛད་པ་ཁ་སྐོང་དང་བཅས་པའི་ལུང༌། རྡོ་རྗེའི་རིགས་ཀྱི་གཙོ་བོ་སློབ་དཔོན་ཛེ་ཏཱ་རིས་བཀྲལ་བའི་མི་འཁྲུགས་པ་ལྷ་དགུའི་དཀྱིལ་འཁོར་དུ་དབང་བསྐུར་བ་དང༌། དེའི་སྒྲུབ་དཀྱིལ་དཀོན་མཆོག་ལྷུན་གྲུབ་ཀྱིས་མཛད་པ། དེའི་ཟུར་འདེབས་ཞུ་ཆེན་གྱིས་མཛད་པ། སྦྱིན་སྲེག་གི་ཆོ་ག་དཀོན་མཆོག་ལྷུན་གྲུབ་པས་མཛད་པ་རྣམས་ཀྱི་ལུང༌། རྡོ་རྗེའི་རིགས་ཀྱི་བདག་པོ་ཕྱག་རྡོར་གོས་སྔོན་ཅན་འགྲོ་བཟང་ལུགས་ཀྱི་རྗེས་སུ་གནང་བ། རྣམ་འཇོམས་བ་རི་ལུགས་ལྷ་གཅིག་བུམ་གཅིག་གི་རྗེས་གནང་ཁྲུས་དང་བཅས་པ་དང༌། དེའི་ཡིག་ཆ་དཀོན་མཆོག་ལྷུན་གྲུབ་ཀྱིས་མཛད་པའི་ལུང༌། རྡོ་རྗེའི་རིགས་ཀྱི་ཕོ་ཉར་གཏོགས་པ་ཁྲོ་བོ་དམེ་བརྩེགས་ས་ལུགས་སུ་གྲགས་པ་དུད་ཀའི་རྗེས་གནང་ཁྲུས་དང་བཅས་པ། དེའི་ཞལ་གདམས་ཟབ་མོ་ས་པཎ་གྱིས་མཛད་པ། རྨོར་ཆེན་གྱིས་མཛད་པའི་སྒྲུབ་རྗེས་ཁྲུས་ཆོག་དང་བཅས་པ། བསོད་ནམས་ལྷུན་གྲུབ་ཀྱིས་མཛད་པའི་གྲིབ་མདོས་བཅས་ཀྱི་ལུང༌། ཇོ་བོའི་ལུགས་ཀྱི་དམེ་བརྩེགས་ལྗང་ནག་གི་རྗེས་སུ་གནང་བ་དང༌། དེའི་ཡིག་ཆ་ཐར་པཎ་གྱིས་མཛད་པ། ལས་ཚོགས་ལ་གྲིབ་སྲུང་བ། སེར་བ་སྲུང་བ། རིམས་ནད་སྲུང་བ། ཕྱུགས་ནད་སྲུང་བ། མི་ལོ་ནད་ཅན་སྲུང་བ། ར་ལུག་ལ་སྤྱང་ཀི་སྲུང་བ། འབྲས་ཕོལ་ལྷོག་པ་གསོ་བ། ནད་པའི་སྔས་སྲུང་བ། ཞིང་གི་འབུ་སྲུང་བ། བང་མཛོད་སྲུང་བ། འགོང་པོ་སྲེག་པ། དམེ་གྲིབ་སྲུང་ཐབས་དང་བཅས་པའི་ལུང༌། རྡོ་རྗེའི་རིགས་ཀྱི་ཕོ་