[A:456]bsnyen bkur ba sogs rjes su mdzad rgyu'i dgongs pa gtad de zla de'i tshes drug gi nyin spyi dang bye brag gi chibs bsu dang / thab bsu dang / dge 'dun 'dus pa rgya mtsho'i ser sbreng gi tshogs dang bcas pa mthong ba'i mod la yid kyi brtan pa mtha' dag cig car du 'phrog par nus pa rnams kyis mdun bsus te lung rtogs chos tshul rgya mtsho'i 'byung gnas 'og min gnyis pa dpal e wa~M chos ldan du nye zho'i dri mas ma gos par bde bar phebs par gyur to/ /de nas kyang rim gyis gza' skar phun sum tshogs pa'i nyin dpal e wa~M chos ldan gyi bla brang khag la 'bul ba rnams bstad par mdzad de/ de'ang mdo sngags chos tshul rgya mtsho'i snang byed khang sar mkhan rin po che ngag dbang blo gros bstan 'dzin pas 'di lo e wa~M pa'i mkhan sa rtsis sprod gnang rgyu yin na'ang / de sngon rtsis sprod ma grub par brten/ e wa~M bla brang gzhung du rje rgyal ba gnyis pa'i rgyal tshab mkhan rin po che de nyid kyi drung du sku gsung thugs kyi rten khyad par du 'phags pa dang / tshan grangs dang mchod cha sogs dngos chas kyi rigs shin tu mang ba/ rin gnyis 'khor lo srang lnga bcu/ bzang ja 'khor drug nyer lnga/ rta drel lnga la sogs pa phul ba dang / e wa~M phan bder grub pa'i 'khor los sgyur ba mkhan rin po che byams pa dpal ldan bzang po dang / kun dga' bstan pa'i blo gros lhan rgyas pa'i mdun dang / klu ldings bla brang du bstan dang 'gro ba'i dpal gyur zhabs drung rin po che byams pa tshul khrims phun tshogs pa dang / bla brang phun tshogs khang sar du smra ba'i nyin byed gzhon nu zhabs drung rin po che 'jam dbyangs shes rab rgya mtsho pa ste de dag re re'i mdun du'ang sku gsung thugs kyi rten dang / tshan grangs dang dngos chas kyi rigs mang ba/ rin gnyis 'khor