[A:464]gral 'gyed dang bcas pa dang / bzhad bkra shis dge 'phel dang / dngul chu chos rdzong dang / gru 'dzin la sogs pa dang / gzhan yang phyogs der btsun ma'i dgon pa mang du mchis pa de thams cad la'ang mang ja gnyis gsum re ma chad par stsal te dge tshogs gong 'phel du mdzad pa dang / gzhan yang snga phyir bdud rtsi ril bu chig sgrub lan kha shas mdzad pa dang / khu bo mkhan chen rdo rje 'chang chen po de nyid gtso bor bzhugs pa'i zhal thang sgros gtsang shin tu che ba zhig bzhengs te rab tu gnas pa'i sgo nas byin rlabs kyi gzi 'od 'bar bar mdzad cing / e wa~M pa'i gtsug lag khang du sbyor 'jags stsal ba dang lhan cig dge 'dun 'dus pa rgya mtshor mang ja gral 'gyed dang bcas pa'i bsnyen bkur zab par mdzad pa dang / brang ti paN chen gyis mdzad pa'i 'dul ba'i las chog gi yig cha der tshig sbyor bde min phran bu yod pa dang / khyad par yig cha de spar du ma 'khod pa'i skyon gyis phyis su yig nor gyi skyon mang ba dang / lung rgyun kyang mi bzhugs par brten/ mkhas pa'i dbang po 'jam pa'i dbyangs ngag dbang legs grub par rab byung gi gzhi'i cho ga yon tan rin po che'i 'byung gnas su grags pa de thog mar rtsoms par bskul zhing / slad nas kyang yig cha de nyid spar du spel ba sogs mdor na rnam par dkar ba'i phrin las kho nas dus 'da' bar mdzad pas re re nas smos kyis mi lang ba yin no/ /snying pos dben pa'i nor rdzas rnams/ /'dod dang ldan la sdug bsngal rgyu/ /'di yi ngor ni bla med kyi/ /byang chub thob pa'i rgyu ru mchis/ /gang la dad pa'i lag pa yis/ /rang rang bdog pa'i me tog kun/ /btus nas gus pas gtor ba rnams/ /bsod nams phung por bsgyur ba'i slad/ /sde bzhi dge bcu'i rgyal khab kyi/ /mi bdag tshangs pa'i spun zla der/ /