[A:463]ka bzhi dang / zhu chen ma hA paNDi ta tshul khrims rin chen gyi bka' 'bum spyir pusta ka bcu gcig bzhugs kyang / ljangs lung gi rgyun bzhugs pa pusta ka dgu dang bcas pa rnams kyi lung gsan pa dang / yang gnas lnga rig pa'i mkhas pa chen po 'jam pa'i dbyangs ngag dbang legs grub pa'i drung nas lce sgom shes rab rdo rjes mdzad pa'i dpe chos rin chen spungs pa dang / des mdzad pa'i man ngag rin chen spungs pa dang / de la mkho ba'i gtam rgyud rin chen phreng mdzes 'gro mgon dpal ldan ye shes kyis mdzad pa rnams dang / gangs ljongs bstan pa'i mnga' bdag rje btsun sa skya pa'i bka' 'bum pusta ka bco lnga dang / der ma 'dus pa dpal brtse ba chen pos mdzad pa'i lam 'bras sras don ma dang / mkhan chen thams cad mkhyen pa ngag dbang chos grags kyis mdzad pa'i lam 'bras glegs bam bcas kyi lung rnams gsan par mdzad do/ /gzhan yang lcags khyi lor thar rtse rang gi lha khang khag rnams su kye rdor la brten pa'i rab gnas rgyas pa lan gnyis dang / dgung grangs re drug tu son pa shing pho stag gi lor e wa~M bla brang gzhung du kye rdor la brten pa'i rab gnas shin tu rgyas pa lan cig dang / thar rtse rang du rab gnas rgyas pa lan cig bcas stsal te/ sku gsung thugs kyi rten thams cad ye shes pa'i ngo bor byin gyis brlabs te 'khor ba ji srid gnas pa de srid du skye 'gro'i bsod nams kyi zhing du brtan par bzhugs su gsol lo/ /gzhan yang sku'i 'phrod bzhes kyi chu tshan du snga phyir tshar kha shas phebs pa dang / de'i nang tshan bzhad glang mar chu tshan du phebs pa'i skabs gangs can chos sde dang / khro phu dang / bo dong e dang / bya gshong dang / bzhad thub bstan yangs can rnams su mang ja