[A:467]gyi tshogs dang bcas pa'i sgo nas bod gangs can gyi mkhan po che gras su mnga' gsol bar gyur to/ /de nas bzung ste dgung grangs don drug pa shing byi lo'i bar gtso bor thugs dam kho na la gzhol bar mdzad cing / bka' chos kyang rjes gnang gi skor 'ga' zhig dang / ljags lung gi skor kha yar las rgya che rigs ma stsal/ snga phyir sku'i 'phrod bzhes kyi chu tshan du tshar gnyis tsam phebs shing / de'i nang tshan lcags bya lor rta nag 'bur chu tshan du phebs skabs rta nag thub bstan dang / 'gos lo tsA ba chen po'i sgrub gnas zhal gzigs phug tu grags pa sogs de skor gyi gnas chen dang dgon khag rnams su mchod 'bul dang / mang ja gral 'gyed la sogs pa'i bsnyen bkur phun sum tshogs pa stsal ba dang / khyad par nges pa don gyi rdo rje 'chang chen po gcen mkhan chen thams cad mkhyen pa de nyid lo snga ma lcags bya hor zla bzhi pa'i mjug nas bzung sku khams shin tu bsnyel ba'i tshul bzhes rung / gsol sman gyi 'phrod bzhes dang / zhabs brtan gyi rigs rgya gang che mdzad par brten rim gyis sku khams cung zad dwang ba'i tshul bstan par gyur na'ang / slar yang bstan 'gro'i bsod nams kyis ma 'chun par chu khyi hor zla gsum pa snga ma'i tshes bcu bdun gyi nyi dros tsam la gzugs sku'i bkod pa chos kyi dbyings su bsdu ba'i tshul bstan pas shin tu skal ba dman pa'i dus ngan de lta bu byung bar brten/ de skor gyi dgongs rdzogs rnams kyang gong du mkhan chen rdo rje 'chang chen po de nyid kyi rnam thar du gsal ba ltar shin tu dpyis phyin par mdzad do/ /gzhan yang snga phyir khu bo mkhan chen rdo rje 'chang chen po de nyid kyi dus mchod cho 'phrul zla ba'i tshes nyi shu nas brtsams te nyin lnga drug re la nyin re bzhin mchod pa'i phreng ba brgya