[A:468]phrag mang po dang bcas te/ rje rang nyid sku 'khor gyi tshogs 'ga' zhig dang bcas pas bla ma mchod pa lo re bzhin ma chags par mdzad pa dang / skabs skabs su yid dam gyi lha 'ga' zhig sgrub mchod gsung ba dang / thar rtse rang du'ang lo re bzhin rgyal ba'i bka' 'gyur rin po che gsung sgrogs ma chad par stsal ba dang / lha ldan gyi jo shAka rin po che rnam pa gnyis dang / bal yul mchod rten bcas su snga phyir mchod 'bul yang yang bskur bar mdzad pa dang / rje 'di sku mched rnams nas e wa~M pa'i 'dus tshogs kyi tshogs khro spus ldan gcig gsar bzos mdzad de sbyor 'jags stsal ba dang lhan cig 'dus tshogs su mang ja gral 'gyed dang bcas pa'i bsnyen bkur gya nom pa stsal ba sogs zhib par gcen mkhan chen rdo rje 'chang chen po de nyid kyi rnam thar du gsal ba ltar dang / khyad par sangs rgyas kyi bstan pa zhes pa'i ming gi gdags gzhi ni lung dang rtogs pas bsdus pa'i dam pa'i chos kho na yin cing / de nyid yun ring du gnas par byed pa'i thabs kyang dam pa'i chos bshad pa dang / sgrub pa kho na la ltos dgos pa'i phyir na/ gong du gsal ba ltar rje rang gis kyang gsan bsam sgom gsum ngal med du mdzad pa dang / gdul bya gzhan rnams la'ang zab pa dang rgya che ba'i chos kyi 'khor lo ci rigs par bskor ba dang / der ma zad 'chad rtsod rtsom gsum gyi sgo nas sangs rgyas kyi bstan pa gong nas gong 'phel du 'gyur ba'i slad du/ rje 'di sku mched rnams nas rtsod pa'i dus kyi thams cad mkhyen pa 'jam pa'i dbyangs mkhyen brtse'i dbang po nyid mdo khams nas e wa~M du spyan 'dren par mdzad pa dang / de'i gsung las skyes pa'i gnas lnga rig pa'i mkhas pa chen po 'jam pa'i dbyangs ngag dbang legs grub pa nyid kyi phrin las kyang