[A:357]pa la rag las shing / de la'ang nang gses su so sor thar pa rigs brgyad yod pa'i nang nas mchog tu gyur pa ni dge slong gi sdom pa nyid yin par gsungs te/ lung las/ sangs rgyas bstan pa rin chen sgron/ /'bar ba'i snod ni dka' thub can/ /ngur smrig 'dzin pa shAkya'i sras/ /dge slong rnams ni yin phyir ro/ /zhes gsungs pa'i phyir ro/ /rgyu mtshan de bas na rang nyid kyang yongs su rdzogs pa dge slong gi dngos por bsgrub par bzhed nas dgung grangs nyer gcig pa sa mo sbrul gyi lor/ e waM bla brang gzhung du mkhan po bstan pa rin po che'i mnga' bdag mtshungs med chos kyi rje mtshan brjod par dka' ba/ don gyi slad du mtshan nas smos te 'phags pa nye bar 'khor gnyis pa byams pa bsod nams dpal 'byor bkra shis grags pa'i rgyal mtshan dpal bzang po'i zhal snga nas dang / dgag sgrub gnang gsum gyi bslab bya mtha' dag tshul bzhin du ston pa la bsnyengs pa mi mnga' ba'i las kyi slob dpon dpal ldan chos kyi rgyal mtshan pa dang / gsang ste ston pa'i slob dpon dpal ldan chos 'phel ba dang / dus go ba dpal 'byor rgya mtsho ba dang / grogs dan pa kun dga' dpal 'byor la sogs pa mdor na gnas brtan 'dul ba 'dzin pa bcu phrag gcig gi dbus su rje 'di dang / khang gsar zhabs drung rin po che blo gros rgyal mtshan pa dang / zhe'u zhing skyong gi bla ma dang gsum gyis mngon du gyur pa bcus sdom pa skye ba'i rgyu tshogs thams cad tshang ba'i sgo nas gzhan la gnod pa gzhi dang bcas pa spong ba'i sems pa mtshungs ldan dang bcas pa so so thar pa'i sdom pa mngon du gyur par mdzad do/ /dus de nyid nas brtsams te ltung ba sde lnga char gtogs dang bcas pa tshul bzhin du bsrungs pas nyes byas kyi dri ma phra zhing phra bas kyang