[A:485]rang bde la chags pa/ /sdig dang sdug bsngal bzhin bcom nas/ /gzhan bde sgrub la yon tan ltar/ /nam yang ngoms pa med 'di ci/ /rtag tu 'gro la sman mdzad pa'i/ /khyod mtshungs byed po rmongs pa des/ /ci yang byas par ma gyur pas/ /dpe yis kyang ni shin tu dbul/ /dam pa'i don du srid zhi gnyes/ /mnyam pa nyid du rab gzigs pas/ /'dir snang 'jig rten chos brgyad kyi/ /rdzun ris dbang po'i gzhu bzhin yal/ /bstan pa'i nying khu gsang sngags kyi/ /spyod tshul gser gyi 'khor lo yis/ /cir snang lhan skyes ye shes kyi/ /'khor du sdud pa'i dge mtshan ngoms/ /las dang nyon mongs kyis bskyed pa'i/ /tha mal snang bas rab dbul yang / /dngos kun lha sngags ye shes su/ /'char ba'i 'byor pa shin tu mtho/ /snying po'i bstan pa rab 'dzin pa/ /khyod 'dra gzhan na ma dmigs pas/ /rnal 'byor dbang phyug yab sras kyang / /dgyes pas 'bral med bzhugs sam snyam/ /mgon khyod gsung ngag lam 'bras kyi/ /bstan pa'i bdag por nges rnyed nas/ /brgyud pa'i bla ma thams cad kyang / /shis pa bsgrub phyir byon min nam/ /ji bzhin gzigs pa'i nyin byed kyis/ /'gro 'di'i blo mun rab bsal bas/ /phyogs kyi bu mo smin legs mas/ /bsngags pa'i rgyud mangs ci yang bsgrengs/ /ngo mtshar grub pa'i rol rtsed kyis/ /skal bzang spro ba skyed bsrings pas/ /'brel tshad don dang ldan pa ru/ /nges pa'i ka ba snying la tshugs/ /mgon khyod yon tan gyis 'byor yang / /'khor ba'i skyon gyis shin tu dbul/ /che rgu'i gtsug na rab 'dzegs kyang / /dman pa'i brtul zhugs kho na 'dzin/ /gang gis yon tan skyon bzhin du/ /sbas kyang grags pas mkha' ltar khyab/ /nyin byed