[A:492] gsung sgros ni tshig re gnyis las mi mdzad/ bdag gis byin rten thams cad bsdus te phul bas legs par gsol song / de nas tho rangs tsam na/ tshe mtshams pa kun bsod da mkha' spyod ma'i mtshams nam tsam sdod rgyu red ces bka' phebs par/ da lta 'di dus zhes thag chod pa rang mi snang zhus pas/ de'i lan ci'ang mi gsung / de ni bdag cag rnams la bka' stsal pa'i tha ma yin/ de nas rje rang gis phyag phreng bzhes te/ mkha' spyod ma yin pa 'dra snyam pa'i zhal 'don yun ring po zhig mdzad song / de nas nam langs thag chod pa tsam na zhal 'don de mtha' bsdus nas phyag phreng yang phar 'jog par mdzad song / de sngon kyang zhabs skyil krung dang sku gzugs drang por bzhugs yod pa yin na'ang / slar yang sku gzugs drang por zhog ces pa'i brda lta bu mdzad/ de nas spyan gnyis kyang gyen la bzlog snang / ljags dbugs kyang cung mi 'dra ba zhig tu song / mtshams pa kun bsod kyang nam langs ma thag ngu bzhin du byon byung bar ci yin dris pas/ da nang tho rangs gnyid du cung zad song ba'i rmi lam du/ lam 'bras lha khang du mchod mjal la phyin/ ngor chen rdo rje 'chang chen po'i 'dra sku rin po cher byin rlabs zhus te gsol ba btab/ mkhan chen rdo rje 'chang byams pa kun dga' bstan 'dzin gyi 'dra sku'ang de sngon mtshams bsdad pas ma mjal rung / ngor chen gyi sku'i g.yas ngos su bzhugs 'dug pas legs par mjal te gsol ba btab/ sgros cha sogs gang thad nas 'gran bral byung snang / de'i g.yas ngos su rje 'di sku dngos bzhugs 'dug pas/ 'o da nga ni 'gro ran pa yin/ bu khyod sgrub pa la nan tan snying por gyis shig /ces gsungs nas phyag gnyis spyi bor bzhag byung bas/ mi phyed pa'i dad pa shugs drag pos mchi ma mang du shor/ gnyid sad nas kyang bsam bzhin