[A:499]btab ste sta gon bya ba sogs rje btsun rin po ches dus tha'i cho ga las ji ltar bshad pa bzhin bgyis pa dang / dus tha'i cho ga dngos kyang gang zag mchog la bya ba'i tshul ji ltar bshad pa ltar thog mar bdun phrag gnyis kyi bar la sku gdung rin po che rnam par snang mdzad kye rdo rjer bskyed cing / ye shes pa gzhug pa sogs bgyis pa dang / dbang bskur ba ni rje btsun rin po ches gzhan phan bdud rtsi las/ bla ma'am gang zag mchog la byed na/ dbang la sogs pa len mkhan ni gang zag mchog de yin la/ dbang skur mkhan de ni dkyil 'khor gyi 'khor lo la sogs pa sangs rgyas dang / byang chub sems dpa'i tshogs rnams yin zhing / bdag gis bla ma'i zhabs tog byed par dmigs na bsod nams mchog tu 'gyur gyi/ gzhan du na bdag slob dpon lta bur bsgoms na ni bdag nyid la nyes par 'gyur ro/ /des na bdag g.yog gam/ zhabs tog byed par bsam pa gal che'o/ /zhes bka' stsal pa ltar dkyil 'khor gyi gtso bos dbang rnams phul bar bsams te/ dbang tshig rnams bdag gis brjod pa dang / maNDal 'bul ba dang / dbang rdzas 'bul ba sogs las kyi rdo rje'i bya ba thams cad bdag gis bgyis te/ mdor na bdun phrag gnyis kyi bar la dus tha'i cho ga dbang dang bcas pa'i zhabs tog bgyis pa dang / bdun gsum pa man chad la dus tha'i cho ga dang / dbang sogs kyi spros pa ci'ang ma byas par bla ma dang dkyil 'khor gyi gtso bo dbyer med du dmigs te bdag nyid 'jug cing dbang blang ba kho na bgyis pa yin la/ bdun phrag bdun pa'i dkyil 'khor gshegs gsol gyi nyin dpal bo'i ston mo'am tshogs 'khor du grags pa dang / rdul tshon chu bor spyan 'dren pa dang / gtor 'bul la sogs pa cho ga mtha' rgyas kyi tshul du bgyis pa dang / de'ang