[A:504] de'i steng dar kha bsod kyi tshab ra bcas phul ba dang / las tshan so sor yang snga tshogs dang phyi tshogs bcas su rnam gzhag gang zab dang / de nyin mkhan rin po che khri thog pa tshogs kyi rdo rje slob dpon du phebs pa'i 'bul bar gser zangs las grub pa'i ston pa dang / rdor dril la sogs pa sku gsung thugs kyi rten/ dar ras ling gos chen mgo snam la sogs pa tshan grangs kyi rigs shin tu mang po/ ja 'khor drug gnyis/ shing thog dang 'bras dos la sogs pa zab par phul ba dang / gzhan chos grwa chen po bkra shis lhun por paN chen thams cad mkhyen pa'i mchog sprul rin po che'i mdun ljags bsngo zhu mtshon ston pa'i gser sku dang / rdor dril theg chen/ mgo snam gyon 'dang / ljon ja 'khor gnyis/ rta pho gcig /'bras ltang sogs phul ba dang / yongs 'dzin dang / sngags chen dang / zur bzhi bcas kyi bla ma so sor ljags bsngo zhu mtshon gyi 'bul ba dang / dgon de'i 'du khang dang lha khang gtso che gras rnams su rnam lnga brgya mchod dang / de bying gi lha khang rnams su'ang mchod 'bul cung zad dang bcas pa/ tshogs chen la mang ja dang / de'i nang tshan khron sbug mi tshan la mang ja bcas zab pa dang / khyad par bod kyi rdo rje gdan dpal ldan sa skya'i chos grwa chen por khri chen thams cad mkhyen pa ngag dbang bkra shis rin chen gyi spyan sngar ljags bsngo zhu mtshon ston pa'i gser sku dang / rdor dril/ dar gos la sogs pa'i tshan grangs dang / dngul Tam srang lnga/ ja 'khor gnyis sogs dang / skyabs mgon dngos grub dpal 'bar dang / ngag dbang rdo rje rin chen dang / 'jam mgon kun dga' bsod nams bcas so so'i mdun du rdor dril/ dngul Tam srang gsum re/ ja 'khor drug re re bcas phul ba dang / gdung sras chung ba gnyis so sor rdor dril dang / bzang ja sbag gnyis re/ dngul Tam srang do re bcas phul ba dang / rje btsun ma mgres gzhon bcu