[A:505]gnyis dang / lha khang mkhan po bcas su bsngo zhus ljon 'dab sbag re re dang / chos grwa chen po der bzhugs pa'i rten gsum ngo mtshar can so so'i mdun du brgya mchod dang / mgon khang khag rnams su sa lam gyi bar chad zhi zhing thugs bzhed lhun gyis grub pa'i phyir chos srung rnams la skong ba dang / sgrol ma lha khang du sgrol chog dang / lha khang chen mor rnam lnga brgya mchod dang / dge 'dun 'dus pa rgya mtshor mang ja'i bsnyen bkur bcas bsgrubs pa dang / zhwa lu ri sbug mchog sprul rdo rje 'chang chen po'i spyan sngar ljags bsngo zhu mtshon dngul Tam srang lnga dang / ljon ja 'khor drug gcig /zhwa lu ri mthil gyi slob dpon so sor bsngo zhus dang / dgon de'i rten gsum gyi drung du brgya mchod dang / dgon par mang ja gsum gyis bsnyen bkur ba dang / tshar chen rin po che'i gdan sa mdar grong mo cher rnam lnga brgya mchod dang / mkhan por bsngo rten/ 'dus tshogs su kun rig nyin btsugs kyi grwa pa rer phyag 'gyed dngul skar lnga re dang / mang mkhar thub bstan dge 'phel dang / mang mkhar dar rgyas dgon/ mang mkhar dgon pa shar/ mang mkhar bsam grub dgon/ mang mkhar gnas gsang sngags sde/ lha rtse chos sde/ rtag brtan phun tshogs gling / ri khrod jo nang / bzhad bkra shis dge 'phel/ bzhad padma chos sdings/ bzhad grwa tshang chen mo/ bzhad dngul chu/ bzhad gru 'dzin/ bzhad ltang dgon/ bzhad dpal ldan sdings/ bzhad dgon gsar/ bzhad dgon sbug /bzhad chos sgo/ bzhad 'bru dgon/ bzhad dgon pa byang bcas kyi dgon pa so sor mang jas bsnyen bkur ba dang / bla ma rnams su bsngo zhus dang rten gsum phal cher ba'i mdun brgya mchod dang bcas pa dang / rgyang 'bum mo che dang / mang mkhar mu gu lung du rnam gsum brgya mchod dang / mus rab 'byams pa'i gdan sa bzhad thub bstan yangs pa