[A:507]gi sgrub sde khag /dben sgang ri khrod pa/ srad chos 'khor gling rnams su mang ja dang bla ma so sor bsngo zhus/ rten gsum so sor brgya mchod bcas dang / srad rgyud pa dang / srad dgon khra/ shangs rgya mtsho dgon/ 'bras yul skyed mos tshal rnams kyi rten gsum so sor brgya mchod dang / bla ma so sor bsngo zhus/ 'dus tshogs so sor mang ja dang / 'gyed grwa pa re rer dngul skar lnga re bcas phul ba dang / dbus phyogs su jo shAka rnam gnyis kyi gtsos rten gsum khyad par du 'phags pa rnams kyi spyan sngar mchod 'bul gyi rten du bod dngul rdo tshad gcig bskur ba dang / gzhan yang bdun tshigs gnyis pa rdzogs pa'i rjes su/ spyir khang steng la sogs par sa chog ma byas kyang chog mod/ byas kyang 'gal ba med par sems nas sa chog mdor bsdus sngon du 'gro ba'i sgo nas gdung khang myang 'das mchod rten gyi dbyibs su brtsigs pa dang / sbyin sreg kyang 'byor pas lcogs na gsum bzhi sogs byas kyang 'gal ba med par sems nas/ 'og tu kun rig dang / de steng rgya lcog gi steng du dpal kye rdo rje'i sbyin sreg gi dkyil 'khor bris pa dang / sngar kye rdo rje'i sgo nas sku gdung rin po cher gnas yig gdags pa dang / rnam snang dges pa rdo rjer bskyed pa sogs grub zin pa yin na'ang / kun rig gi sngon 'gro'i rdo rje sems dpar bskyed pa dang / gnas yig gdags pa sogs bgyis pa dang / de nub mchod pa'i bye brag 'ga' zhig dang bcas te sku gdung rin po che gdung khang du spyan drangs pa dang / de'i phyi nyin hor zla lnga pa'i tshes gnyis kyi tho rangs tsam nas lung rig smra ba'i dbang phyug khang gsar mkhan rin po che ngag dbang bsod nams rgyal mtshan tshogs kyi rdo rje slob dpon chen por spyan drangs te/ bsnyen pa song ba'i dge slong bcu phrag gcig dang bcas pas dpal dgyes pa rdo rje'i sgo