[A:508]nas sku gdung rin po cher zhugs 'bul ba dang / bstan pa'i snang byed bla ma bstan pa dar rgyas kyi dbu byas pa'i dge slong brgyad kyis bcom ldan 'das kun tu rig pa'i sgo nas sku gdung rin po cher zhugs 'bul ba'i zhabs tog rgyud sde nas ji ltar gsungs pa bzhin du bsgrubs shing / de nyin tho rangs nas bzung nam mkha' thams cad kha dog sna tshogs pa'i sprin gyis gang ba zhig ni nges par 'dug cing / dgon pa'i grwa pa phal cher zhig gis ni da nangs tho rangs 'ja' kha dog lnga ldan rtsa ba gcig pa shar ngos su bstan cing rtse mo mang por gyes pa nub phyogs su zug pa zhig shar song ba de lta bu ni sngar mkhan chen rdo rjai 'chang byams pa kun dga' bstan 'dzin gyi gdung bzhu'i skabs kyi 'ja' yis kyang cha shas tsam yang 'gran par mi gzod ces gleng 'dug pa dang / thog mar zhugs 'bul ba'i tshe me rang 'bar lta bu'i shin tu 'bar sla ba dang / de dus kyi dud pa ni/ thog mar gdung khang gi steng du 'khyil ba snyam byed cing / de nas dud pa rnams dgon pa'i nub ngos kyi nam mkhar song zhing / de nas dgon pa la g.yon skor lan cig byas nas/ mthar nam mkha'i 'ja' sprin rnams dang dbyer med du 'dres pa'i tshul gyis yal bar gyur ces zer ba dang / me lce rnams kyang kha dog dkar gsal 'od dang ldan zhing / gzhan du 'khyag 'khyog med par rtse mo rnams rtswa ljang gshibs pa ltar gyen kho nar 'bar ba'i ya mtshan pa dang / skabs skabs su bkra shis pa'i ri mo'i dbyibs lta bur 'bar ba dang / bsreg rdzas rnams 'bul ma tshar gong nas sku gdung rin po cher me bzhes grub pa'i shin tu sla ba dang / khyad par dri zhim pos dgon pa'i gling thams cad la khyab pa ni skye bo mtha' dag la mngon sum tshad mas grub pa nyid do/ /de nyin mkhan rin po che khri thog pa'i mdun gser zangs las grub pa'i gong ma dbang sdud snying po'i snang brnyan dang / dngul gyi 'bru par/ zangs bum kha mchu zhabs gsum dngul las grub pa/ phyag ting