[A:513]tshe'ang / thog mar dgung zhag skabs kyi bdun re re rdzogs mtshams su res nyi gur phub pa dang / res 'ja' kha dog lnga ldan shar ba sogs ma chad par byung zhing / rab gnas kyi skabs kyang 'ja' kha dog lnga ldan 'dra shar ba dang / 'dra sku rin po che dang dus thang bcas bla brang gzhung du gdan drangs pa'i skabs kyang glo bur du 'ja' kha dog lnga ldan shar ba sogs ngo mtshar ba'i ltas kyang 'ga' re byung ngo / /gzhan yang snga phyir e wa~M pa'i bla brang khag rnams dang / thar rtse rang gi grwa tshang dang ltos rigs rnams nas gdung 'bul byung ba thams cad kyang gong gi dge tshogs rnams su smin nges zhus pa yin cing / gzhan phyogs tha dad pa nas mgon po gang gi thugs sras su gyur pa rnams kyis zab dgongs dbyings su rdzogs pa'i slad du legs byas kyi sgo 'phar yangs por phyes pa'i tshul rnams ni re re nas smos kyis mi lang ngo / /mdor na bdag cag gi dpal ldan bla ma dam pa mkhas dang grub pa yongs kyi 'khor los sgyur ba 'di'i phyogs su bdag cag rnams kyi lus longs spyod dus gsum bsags pa'i dge tshogs dang bcas pa thams cad bskal pa brgya phrag mang por nyin re bzhin bye ba phrag mang po btang yang bka' drin gyi cha shas tsam yang 'tsho bar mi nus mod/ 'on kyang re zhig bdag cag rnams kyi nus pa ni de tsam du zad do/ /de ltar kun rdzob tu gdul bya tshu rol mthong ba rnams kyi snang ngor yongs su mya ngan las 'da' ba chen po'i tshul bstan par gyur mod/ mgon po gang gi thugs rje la skyo ba dang dub pa mi mnga' shing / gdul bar bya ba'i sems can la'ang mu dang mtha' med pa'i phyi dus 'khor ba ji srid gnas pa de srid kyi bar du gdul bya rnams kyi khams dang bsam pa dang bag la nyal dang rjes su mthun par sprul pa sna tshogs pa'i sgo nas sems can gyi don rgyun mi 'chad par 'bad med lhun grub tu 'byung