[A:514]ba yin te chos kyi rgyal po 'phags pa rin po ches/ 'khor ba ji srid gnas kyi bar/ /rnam par 'phrul pa sna tshogs kyis/ /de srid de yi don mdzad pa/ /phrin las dbang phyug la phyag 'tshal/ /ces gsungs pa ltar dang / rgyud bla ma las kyang / gdul bya'i khams dang 'dul ba'i thabs dang ni/ /gdul bya'i khams kyi 'dul ba'i bya ba dang / /de yi yul dang dus su gshegs pa la/ /khyab bdag rtag tu lhun gyis grub par 'jug /ces gsungs pa ltar ro/ /kye ma skye rgu'i bsod nams ni/ /'bab chu zad pa'i rdzing bzhin te/ /'dren pa lan cig rnyed pa yang / /gzigs pa gzhan du phyogs par gyur/ /ji bzhin gzigs pa'i chu gter ni/ /snying rje'i dri bzhon gyis bsrubs te/ /tshad mar gyur pa'i tshig gi zla/ /'gro 'di'i blo mun sel phyir spros/ /bden pa'i gsung gi bsil zer gyis/ /'gro 'di'i rab rib kun bsal yang / /slar yang som nyi'i mun spro ba'i/ /kye ma 'gro ba'i las 'di ci/ /gzod nas skye rga na 'chi bzhi'i/ /rba klong 'khrugs pa'i chu gter las/ /brgal yang 'gro 'di 'khor ba las/ /yid 'byung slad du bsnyun tshul bstan/ /dkar phyogs bdud rtsi ltar bgyid pa'i/ /lha rnams mya ngan khur 'dzin cing / /rgyal kun mgon med la gzigs pa'i/ /spyan ni snying rje'i chu yis brlan/ /de mthong bdag cag rnams kyi snying / /dum bur mi 'gas rdo rje'am ci/ /'on te yid srubs dpung tshogs kyis/ /rig sngags byin pa yong mi shes/ /rgyal gsung thabs tshul sna tshogs kyis/ /rtsa gsum lha yi byin bskul yang / /lung bstan bden pa'i ri mo ni/ /nam yang zub pa nyid ma gyur/ /nam zhig 'gro 'di'i bden 'dzin gyi/ /'khri shing drung nas 'byin pa'i slad/ /bde stong zung