[A:519]gsol 'debs ngag gi rol mo 'khrol bzhin dad pas gus phyag nyin bzhin stob/ 5 /'di na bdag blo dad pa'i gru bo brtson 'grus rlung gis bskyod pa las/ /rnam thar mi zad nor bu'i gling nas thun mong dag tu rab grags pa'i/ /rtogs brjod rin chen nyung shas blangs gang thar 'dod dad pa'i gsos nyid du / sdeb legs tshig gi phreng bar spel ba'i legs byas rmad byung 'dis mtshon te/ 6 /rang lus longs spyod dus gsum bsags pa'i dge ba'i rtsa ba ji snyed pa/ /rnam par ri gling nyi zla dang bcas bye phrag bsam gyis mi khyab par/ /sprul pa'i ltad mo gsar du ngoms 'dis tshangs pa'i khegs pa snyil byed cing / /kun bzang mchod pa'i spun zlar gyur gang dgyes pa'i spyan zur lhung phyir 'bul/ 7 /gang gi rnam thar sgro skur spangs te rang bzhin brjod pa'i rgyan nyid du/ /spel ba'i legs bshad bdud rtsi'i rdzing 'dir blo ngan rdul gyis bslad pa yi/ /nongs pa gang mchis 'phags rnams 'dun sar stobs bzhi nor bu ke ta kas/ /yang yang yid kyi rnyog ma bgrungs na dwang ba'i dga' ston ci yang stsol/ 8 /zho 'thung rus pas bdar du med cing chu bo'i rgyun gyis mi 'dag pa'i/ /thog ma med pa'i dus nas bsags pa'i sdig ltung dri ma stug po yis/ /rang sems bde gshegs snying po'i khams kyi mdzes pa rab tu sma phab pa/ /slar la stobs bzhi'i chu yis bkrus las dag pa'i dge mtshan lhag par ngoms/ 9 /'phags bod mkhas dang grub pa yongs kyi phrin las gcig tu bsdus 'dra ba'i/ /dpal ldan bla ma dam pa gsum gy-i rnam thar rmad du byung bas mtshon/ /srid dang zhi ba'i legs spyad ji snyed nyin mor byed pa'i gzi 'od la/ /rjes su yi rangs padmo'i 'dab rgya rnam par grol ba'i mtshar sdug g.yo/ 10 /phyogs bcu rab 'byams mu med zhing na chos ston ji snyed bzhugs kun gyi/ /