[A:362]rang gi lha khang khag rnams la yon chab 'bul ba dang / phyag dar bya ba dang / gcen byams pa kun dga' bstan 'dzin par gsol ja 'dren pa dang / gzhan yang phar sprod tshur len la sogs pa thar rtse rang gi bya ba che phra mtha' dag mdzad bzhin pa'i ngang nas sa paNDi ta chen pos mdzad pa'i bstan bcos sdom gsum rab dbye dang / dkon mchog lhun grub kyis mdzad pa'i lam 'bras kyi khrid yig snang gsum mdzes par byed pa'i rgyan dang / rgyud gsum mdzes par byed pa'i rgyan rnams dgung grangs bcu dgu tshun chad du thugs la bzung nas e waM bla brang gzhung du rgyugs 'bul ba sogs grub par mdzad pa dang / de'ang tha mal pa'i byis pa ltar gzhan gyis dbang med du bskul ba la ma ltos par/ rje 'di ni sku na chung ngu'i skabs kyang phyag dpe cung zad re gzigs rgyu byung tshe thugs dgyes pa'i zhal ras padmo 'dzum pa lta bu'i sgo nas rgyun par dpe cha 'di rkyang pa zhig bltas nas sdod rgyu byung na ci ma rung snyam pa kho na thugs rgyud la 'khrungs pa zhig yod ces bka' stsal pa dang / gzhan yang 'du 'dzi la mi dges pa'i stobs kyis thugs brel med pa'i skabs kyang dben pa kho nar zhugs pa zhig yod pa yin no/ /de skabs shig tu phyag g.yas pa rtsa dkar gyis shin tu snyun gzer che bar gyur te/ nub mo gzims kyang cher mi 'ong ba zhig byung rung / snyun zug la mi 'dzems par lha khang khag rnams la phyag dar dang / sku 'dra'i rdul phyis sogs la shin tu brtson par mdzad pas nub gcig mnal lam du/ phyag g.yas pa'i sor mo'i gseb nas sbrul lta bu'i sems can mtho gang tsam zhig phyir 'thon pa'i snang ba byung ba dang lhan cig snyun gzhi'ang legs par dwangs pa yin no zhes thos so/ /khyad par dgung lo bcu gsum pa'i nang nyams dang rtogs pa'i dbang phyug phan khang zhabs drung rin po che dpal ldan rin chen chos mdzod kyi drung