[A:371]can gyi rjes su gnang ba dang / de'i yig cha sngags 'chang kun rin gyis mdzad pa'i lung / A tsArYa dmar po nas brgyud pa'i mkha' lding gser mig 'khyil ba 'byung po 'ur 'ded kyi rjes su gnang ba dang / shar 'bum chu ba dpal ldan grags pas mdzad pa'i de'i lo rgyus/ bsnyen pa/ sgrub pa/ las sbyor la khyad par gyi las sbyor ser ba dang char gcod pa/ mid 'byar bcos pa/ dug srung ba/ dug 'dred pa/ sri'u gso ba/ gdon skrod pa/ smyo ba 'dul ba/ bcud len/ mdze gso ba/ spyi 'gro'i las sbyor dang bcas pa dang / rjes gnang gi yi ge sangs rgyas phun tshogs pas mdzad pa rnams kyi lung / rdo rje gur nas gsungs pa'i phyag na rdo rje 'byung po 'dul byed kyi rjes su gnang ba dang / de'i sgrub rjes dkon lhun gyis mdzad pa/ brgyud 'debs dpal ldan don grub kyis mdzad pa kha skong dang bcas pa/ gur nas gsungs pa'i 'phags ma so sor 'brang ma'i rjes su gnang ba dang / de'i yig cha thar paN gyis mdzad pa'i lung dang bcas pa/ khyad par snyan brgyud gser chos kyi skor la/ 'phags yul gyi mkhas grub yongs kyi gtsug gi padmo zhabs sen gyi nyi ma'i 'od zer rnam par bkod pa 'jigs pa med pa grub chen bi rU pa chen pos rgyal yum rdo rje bdag med ma las dngos su gsan pa'i gsung ngag rin po che lam 'bras bu dang bcas pa'i skor la tshogs bshad dang / slob bshad gnyis su grags pa'i dang po tshogs bshad du grags pa'i skor la/ thog mar bla ma tshad mar bya ba'i phyir du bla ma la gsol ba 'debs pa e wa~M pa'i chos spyod dum bu gsum dang / dum bu dang po'i kha skong mkhan chen nam mkha' bsam 'grub la gsol ba 'debs pa nas rje rang gi gsol 'debs dmigs med byams ldan ma'i bar dang / mkhas