[A:372]grub sangs rgyas phun tshogs pas mdzad pa'i e wa~M pa'i gdan rabs rnam thar nor bu'i phreng ba bcas kyi lung dang / nyams myong tshad ma rgyud la skyed par byed pa'i khrid dngos la/ khrid kyi gzhung shing chen mo bzhi'i nang tshan gzhung shing rgyas pa gzhung ji lta ba bzhin du bkri ba'i khrid yig ngag dbang brtan pa'i rdo rjes mdzad pa'i gzhan phan phrin las rgyas byed kyi steng nas lam gyi sngon 'gro snang ba gsum gyi khrid sngon du 'gro ba'i sgo nas brgyud pa'i khyad par gnyis ldan gyi sems bskyed pa dang / de las byung ba'i dam tshig rnams la srung sdom shes pa'i ched du byang chub sems dpa'i sdom pa nyi shuu pa'i 'grel pa rje btsun rin po ches mdzad pa'i lung / de nas slob ma rjes 'dzin sogs dbang gi mngon par rtogs pa brgyad dang ldan pa'i sgo nas dpal kye rdo rje man ngag lugs kyi dkyil 'khor du dbang bskur ba dang / de las byung ba'i dam tshig dang sdom pa rnams mi nyams par sbyong ba'i thabs gsal bar ston pa rtsa ltung 'khrul spong rje btsun rin po che grags pa'i zhabs kyis mdzad pa'i lung dang / de ltar smin zin grol ba'i slad du lta bas spros pa gcad pa'i phyir kun gzhi rgyu rgyud la 'khor 'das dbyer med kyi lta ba bsgom pa/ lam gyi nyams bskyed pa'i phyir lus thabs rgyud la dbang bzhi dang rjes su 'brel ba'i lam bsgom pa/ 'bras bu sku lnga mngon du 'gyur ba'i tshul dang / nges shes bskyed cing ting nge 'dzin ngo shes pa'i phyir lam gyi sa mtshams rnam par gzhag pa/ 'bras bu mthar thug sangs rgyas kyi sa bshad pa/ de ltar nyams su len pa'i slob ma la gsang ba bcu'i rgyas gdab cing skal ldan gyi slob ma la phan par gdams pa'i bar gyi nyams khrid zab mo yongs su rdzogs pa dang / de dag gi skabs su bum dbang gi lam gyi nang tshan nang bskyed rim gyi thog mar/ slob dpon gyi zab