[A:༣༧༡]ཅན་གྱི་རྗེས་སུ་གནང་བ་དང༌། དེའི་ཡིག་ཆ་སྔགས་འཆང་ཀུན་རིན་གྱིས་མཛད་པའི་ལུང༌། ཨཱ་ཙཱརྻ་དམར་པོ་ནས་བརྒྱུད་པའི་མཁའ་ལྡིང་གསེར་མིག་འཁྱིལ་བ་འབྱུང་པོ་འུར་འདེད་ཀྱི་རྗེས་སུ་གནང་བ་དང༌། ཤར་འབུམ་ཆུ་བ་དཔལ་ལྡན་གྲགས་པས་མཛད་པའི་དེའི་ལོ་རྒྱུས། བསྙེན་པ། སྒྲུབ་པ། ལས་སྦྱོར་ལ་ཁྱད་པར་གྱི་ལས་སྦྱོར་སེར་བ་དང་ཆར་གཅོད་པ། མིད་འབྱར་བཅོས་པ། དུག་སྲུང་བ། དུག་འདྲེད་པ། སྲིའུ་གསོ་བ། གདོན་སྐྲོད་པ། སྨྱོ་བ་འདུལ་བ། བཅུད་ལེན། མཛེ་གསོ་བ། སྤྱི་འགྲོའི་ལས་སྦྱོར་དང་བཅས་པ་དང༌། རྗེས་གནང་གི་ཡི་གེ་སངས་རྒྱས་ཕུན་ཚོགས་པས་མཛད་པ་རྣམས་ཀྱི་ལུང༌། རྡོ་རྗེ་གུར་ནས་གསུངས་པའི་ཕྱག་ན་རྡོ་རྗེ་འབྱུང་པོ་འདུལ་བྱེད་ཀྱི་རྗེས་སུ་གནང་བ་དང༌། དེའི་སྒྲུབ་རྗེས་དཀོན་ལྷུན་གྱིས་མཛད་པ། བརྒྱུད་འདེབས་དཔལ་ལྡན་དོན་གྲུབ་ཀྱིས་མཛད་པ་ཁ་སྐོང་དང་བཅས་པ། གུར་ནས་གསུངས་པའི་འཕགས་མ་སོ་སོར་འབྲང་མའི་རྗེས་སུ་གནང་བ་དང༌། དེའི་ཡིག་ཆ་ཐར་པཎ་གྱིས་མཛད་པའི་ལུང་དང་བཅས་པ། ཁྱད་པར་སྙན་བརྒྱུད་གསེར་ཆོས་ཀྱི་སྐོར་ལ། འཕགས་ཡུལ་གྱི་མཁས་གྲུབ་ཡོངས་ཀྱི་གཙུག་གི་པདྨོ་ཞབས་སེན་གྱི་ཉི་མའི་འོད་ཟེར་རྣམ་པར་བཀོད་པ་འཇིགས་པ་མེད་པ་གྲུབ་ཆེན་བི་རཱུ་པ་ཆེན་པོས་རྒྱལ་ཡུམ་རྡོ་རྗེ་བདག་མེད་མ་ལས་དངོས་སུ་གསན་པའི་གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་སྐོར་ལ་ཚོགས་བཤད་དང༌། སློབ་བཤད་གཉིས་སུ་གྲགས་པའི་དང་པོ་ཚོགས་བཤད་དུ་གྲགས་པའི་སྐོར་ལ། ཐོག་མར་བླ་མ་ཚད་མར་བྱ་བའི་ཕྱིར་དུ་བླ་མ་ལ་གསོལ་བ་འདེབས་པ་ཨེ་ཝྃ་པའི་ཆོས་སྤྱོད་དུམ་བུ་གསུམ་དང༌། དུམ་བུ་དང་པོའི་ཁ་སྐོང་མཁན་ཆེན་ནམ་མཁའ་བསམ་འགྲུབ་ལ་གསོལ་བ་འདེབས་པ་ནས་རྗེ་རང་གི་གསོལ་འདེབས་དམིགས་མེད་བྱམས་ལྡན་མའི་བར་དང༌། མཁས་