[A:374]rgya mtsho dkon mchog dpal ldan pas mdzad pa/ 'thor nas bsgrub tshul thar paN gyis mdzad pa rnams kyi lung dang / ngor lugs thun mong ma yin pa gsung ngag slob bshad kyi skor la/ rje btsun rin po ches mdzad pa'i bla ma brgyud pa'i gsol 'debs bla ma rdor 'dzin ma dang / tshar chen gyis mdzad pa'i brgyud 'debs dngos grub rin po che'i char 'bebs kha skong dang bcas pa'i lung bcas sngon du 'gro ba'i sgo nas/ nyams myong tshad ma rgyud la skyed par byed pa'i khrid dngos ni/ rdo rje 'chang tshar pa chos rje'i gsung sgros 'jam dbyangs mkhyen brtse'i dbang phyug gis zin bris su mdzad pa'i khrid yig gsang chen bstan pa rgyas byed kha'u brag rdzong pa'i bzhed pa ma nor ba la gzhi byas/ bum dbang rmi lam man chad kyi khrid 'phro lus pa rgyal dbang lnga pa rin po ches mdzad pa'i yig cha dang / gzhan yang gsung bshad kyi rgyab skyor du dgos pa'i yig cha rnams kyi steng nas lam gyi sngon 'gro snang ba gsum gyi khrid shin tu zhib pas rgyud sbyangs shing / de dag gi skabs su thog mar man ngag gi byung tshul dang / byung ba'i chos la bshad sgrub ji ltar bya tshul gyi rnam gzhag zhib par gsungs pa dang / de nas brgyud pa'i khyad par gnyis ldan gyi sems bskyed pa dang / dngos gzhi rdo rje theg pa'i lam gyi rtsa ba smin grol gnyis kyi dang po smin byed dbang gi mngon par rtogs pa brgyad dang ldan pa'i sgo nas dpal kye rdo rje man ngag lugs kyi dbang bskur ba aShta'i bzlas lung dang bcas pa dang / de dag gi skabs su khas blangs pa'i dam tshig dang sdom pa'i rnam gzhag gsal bar ston pa rtsa ltung 'khrul spong rje btsun gyis mdzad pa/ rgyun gyi bza' ba'i dam tshig bdud rtsi ril bu bsgrub tshul bdag chen rdo rje 'chang gis mdzad pa/ khyad par gyi bza' ba'i dam tshig tshogs 'khor 'bring po rje btsun rin po ches mdzad pa/