[A:375] 'phags pas mdzad pa'i tshogs 'khor bdud rtsi bum pa/ rje btsun gyis mdzad pa'i rab gnas don gsal/ sa paN gyis mdzad pa'i aShta'i gzhi bshad rnams kyi lung / grol byed khrid la/ dbang gi ye shes la log par rtog pa dgag cing 'og nas 'byung ba'i lam thams cad skyon med du bsgrub pa'i phyir 'khor 'das dbyer med kyi lta ba'i khrid dang / de nas bdag med lha mo bco lnga'i ras bris kyi dkyil 'khor du dbang bskur ba dang / de'i rjes su lus thabs rgyud la dbang bzhi dang rjes su 'brel ba'i lam bzhi'i dang po bum dbang gi lam la phyi bskyed rim gyi khrid sems 'dzin dang bcas pa dang / de nas phyi rol du zhen pa'i gdon gyi gnyen por slob dpon gyi zab mo lus kyi dkyil 'khor du dbang bskur ba yig brgya'i bzlas lung dang bcas pa sngon du 'gro bas nang bskyed rim gyi khrid sems 'dzin sogs bum dbang gi lam yongs su rdzogs pa dang / phyi nang bskyed rim gyi skabs su tshar chen gyi nyi zer sogs kyi steng nas bsgom don la thos bsam gyis sgro 'dogs gcod pa'i bshad pa shin tu rgyas pa dang / de nas gsang dbang dang / shes rab ye shes dang / dbang bzhi pa ste dbang bzhi po re re la'ang lam/ lta ba/ grub mtha'/ 'da' ka ma/ bar do/ rmi lam/ sgyu lus dang bcas pa'i khrid de mdor na nyams khrid zab mo yongs su rdzogs pa shin tu zhib pa dang / de dag gi cha lag tu gtogs pa'i byin rlabs kyi skor la/ lam zab phyi ma'i khrid sngon du 'gro ba'i byin rlabs dang / de las 'phros pa'i bla ma rin chen 'byung ldan gyi byin rlabs dang / thar paN gyis mdzad pa'i bla ma rin chen 'byung ldan gyi nyams len bya tshul gyi lung / lam zab nang ma'i byin rlabs dmigs khrid dang 'brel ba/ de'i nyams len ngor chen gyis mdzad pa/ lam zab phyi nang gi nyams len dang / byin rlabs bya tshul thar paN gyis mdzad pa bcas kyi lung / bir srung phyi ma'i byin rlabs sgom lung dang bcas pa dang / bi rU pa'i sku'i rnam 'gyur drug gi zin bris dang / bir srung bar chad kun