[A:382]'chang byams pa kun dga' bstan 'dzin sa skyar khri mjal la phebs pa dang lhan cig bod kyi rdo rje gdan dpal ldan sa skya'i chos grwa chen por phebs/ dus gsum gyi rgyal ba rnams kyi ye shes kyi sku 'chi med lha'i rigs su mngon par bzhengs pa'i gong ma sku ngo thams cad dang / srid pa'i 'jigs pa thams cad yongs su gzhil ba la rgyal byed kyi tshal dang tshul mtshungs pa'i gtsug lag khang lta bas chog mi shes pa dang / de dag gi nang du bzhugs pa'i sangs rgyas dang byang chub sems dpa'i sku brnyan byin rlabs kyi gzi 'od 'bar ba srid pa gsum na 'gran zla dang bral ba rnams legs par mjal zhing thugs smon rnam par dag pa'i rgyas 'debs pa dang / 'jam mgon khri chen rin po che ngag dbang kun dga' bkra shis mthu stobs bstan 'dzin bzang po'i drung nas gu ru drag dmar nyang lugs kyi dbang chen zhig kyang gsan te hor zla drug pa'i nang e wa~M du phebs/ lo de'i mjug tu khro rgyal 'byung po 'dul byed kyi ljags bsnyen zla gcig lhag tsam dang / de'i bcu cha'i sbyin sreg dang bcas pa mthar phyin par mdzad/ dgung grangs nyer lnga pa dpal gdong gi lo'i hor zla gnyis pa'i dmar phyogs nas bzung ste zla ba bdun gyi bar du kye rdo rje gzhi'i bsnyen pa gdan thog gcig tu mthar phyin pa dang / de'i bcu cha'i sbyin sreg dang bcas pa mdzad cing / de rjes mkhan rin po che khri thog pa byams pa kun dga' bstan 'dzin gyi drung nas/ sgrub thabs brgya rtsa nas 'byung ba'i lo gyon ma'i rjes gnang sngon du 'gro ba'i grub chen birWa pa'i bzhed gzhung gsung ngag rin po che lam 'bras tshogs bshad du grags pa'i lam gyi sngon 'gro snang ba gsum gyis rgyud sbyangs te/ brgyud pa'i khyad par gnyis ldan gyi sgo nas sems bskyed pa dang / de rjes