[A:383]dbang gi mngon par rtogs pa brgyad dang ldan pa'i sgo nas kye rdo rje man ngag lugs kyi rgyu dus kyi dbang bskur ba dang / lam gyi dngos gzhi rgyud gsum gyi khrid yongs su rdzogs pa dang / de dag gi skabs su slob dpon gyi zab mo lus kyi dkyil 'khor du dbang bskur ba dang / gzhan yang e wa~M pa'i chos spyod dum bu gsum kha skong dang bcas pa dang / rje dkon mchog lhun grub pas mdzad pa'i kye rdo rje'i mngon rtogs/ lus dkyil/ dbang chu/ gtor chog /zhi ba'i sbyin sreg /rgyas pa'i sbyin sreg gi sdom rnams dang / thar paN gyis mdzad pa'i rgyas pa'i sbyin sreg gi lhan thabs/ dbang dang drag po'i sbyin sreg gi sdom dang lhan thabs rnams dang / padma badzra gyis mdzad pa'i bstod pa nyi shu pa dang / grags pas mdzad pa'i bstod pa daNDa ka /des mdzad pa'i dkyil 'khor gyi bkra shis dang / rgyud nas phyung ba'i mdzad bcu'i bkra shis rnams kyi lung / ba ri lugs kyi sgrub thabs brgya rtsar grags pa'i rjes gnang don brgyad dang / mchims nam mkha' grags kyis bsgrigs pa'i mngon rtogs brgya rtsa las byung ba'i rjes gnang sum cu so bzhi rnams legs par gsan par mdzad do/ /'ga' zhig thos dang bsam bor nas/ /rmongs sgom byis pa'i gom stabs kyis/ /kun mkhyen rgyal sar 'dzegs 'dod pa/ smig rgyu'i chu la snyegs pa bzhin/ /la la mang du thos gyur kyang / /sgom pa'i bdud rtsi mi bsten pa/ /de kun rgya mtsho'i klong nyid du/ /skom pas gzir te 'chi dang mtshungs/ /mtha' de gnyis ka bsal ba'i slad/ /zab yangs mkhyen brtse nus pa'i mtha'/ /mkha' dang yang dag mtshungs gyur pa'i/ /rnam par 'dren pa mang bsten zhing / /khyad par byams brtse'i 'jug pa yis/ /chos dbyings nam mkha'i thig le las/ /legs 'ongs