[A:384]'chi med rdo rje'i sku/ /gtsug gi rgyan du gus bsten nas/ /zab rgyas chos kyi bdud rtsi'i zer/ /thugs kyi sa mos la 'phos pas/ /gzod nas rtogs pa'i shes rab kyi/ 'dab stong slar yang bzhad par byas/ /de lta'i mang thos dga' tshal las/ /bsams byung rig pa'i bung ba yis/ /ma nor don gyi bcud myangs pas/ /shes rab lang tsho ci yang rgyas/ /rnam rtog rdul gyis ma gos pa'i/ /rim gnyis sgom pa'i chu klung gis/ /spang bya'i dri ma kun bkrus pas/ /mya ngan 'das pa'i ri mo gsal// //gnyis pa mdo khams su byon nas bstan 'gro'i don dang thos bsam ji ltar mdzad pa'i tshul ni/ de'ang kye rdo rje'i gzhi bsnyen bzhugs pa'i skabs sogs mnal lam phal cher zhig tu/ spang gshong shin tu rgya che ba skabs skabs su 'brog pa'i sbra yang yod pa zhig nas zhal shar du gzigs te phebs pa'i snang ba kho na byung ba dang / yang skabs 'gar rje rang gis dbu zhwa sa zhu zhig mnabs te phebs pa'i mnal lam byung ba dang / yang skabs 'gar sde dge'i mgon khang shar du bzhugs pa'i chos skyong gi zhal 'bags rnams mnal lam du byung zhing / gnas tshul de bzhin phyis su khu bo mkhan chen rdo rje 'chang chen por snyan sbron phul ba na/ nged kyang thog mar mdo khams su 'ong khar chos skyong gi zhal 'bags lta bu'i snang ba yang yang 'char ba zhig yod ces gsungs shing / de ni chos srung rnams kyis bstan 'gro'i don la 'byon par bskul ba dang / phebs bsu'i rnam pa lta bu yin par sems la/ gang ltar yang kye rdo rje'i gzhi bsnyen grol mtshams su sde dge'i gnyer chen kun dga' dbang rgyal dpon mkhor rnams e wa~M du 'byor/ de gdong du khu bo mkhan chen rdo rje 'chang chen po dang / sde dge chos rgyal