[A:348]pa'i thabs kyi khyad par la gzigs te re zhig bdag cag mi rnams kyi skal ba dang bstun te thun mong pa'i mdzad pa ji ltar mdzad pa'i tshul mdo tsam zhig gleng bar bya ste/ de la bdun/ thog mar shing sA la chen po lta bu'i rigs su sku'i skye ba bzhes nas gzhon nu rol rtsed mdzad pa'i tshul/ gzhan dag bstan pa la 'jug pa'i go rim bstan pa'i ched du bslab pa rin po che'i sgor zhugs te thos bsam sgom gsum ji ltar mdzad pa'i tshul/ bstan pa'i bdag po chen por mnga' gsol nas bstan pa dang sems can gyi don ji ltar mdzad pa'i tshul/ slar yang gnam bskos gzhung sa dga' ldan pho brang pa chen pos chen por 'os pa'i mtshan dang yo byad kyis chen po'i go sar mnga' gsol nas rnam par dkar ba'i phrin las ji ltar mdzad pa'i tshul/ gsung las skyes pa'i bstan 'dzin gyi slob ma ji tsam byon pa'i tshul/ sdom pa gsum la gces spras su mdzad cing nyams su bzhes pa la brten nas nyams rtogs ji ltar 'khrungs pa'i tshul/ mthar rtag 'dzin can dang le lo can rnams chos la bskul ba'i slad du gzugs sku'i bkod pa chos dbyings su bsdus kyang sems can gyi don rgyun mi 'chad pa'i tshul lo/ /de'i dang po ni/ mgon po 'jam pa'i dbyangs kyi rnam par 'phrul pa 'jam pa'i dbyangs mkhyen brtse dbang po'i zhal snga nas mdzad pa'i rje 'di'i rnam thar dang bstun pa'i gsol 'debs byin rlabs bdud rtsi'i chu gter zhes bya ba las/ dpal ldan rdo rje 'chang dbang gdul bya rnams/ /rnal 'byor zab mo'i lam gyis rjes gzung phyir/ /'jam dpal ngur smrig 'dzin pa'i skur ston pa/ /rnam 'dren bzang po'i zhabs la gsol ba 'debs/ /zab gsal gnyis med chos sku'i ngang nyid las/ yan lag bdun ldan longs sku'i rnam rol ni/ /gang 'dul sprul pa'i sgyu 'phrul drwa ba'i gar/ /dam pa'i